بنگلہ دیش کی وزیر اعظم شیخ حسینہ جلد آئیں گی ہندوستان

 

جکارتہ،7مارچ(ایجنسی) بنگلہ دیش کی وزیر اعظم شیخ حسینہ نے منگل کو کہا ہے کہ وہ جلد ہی ہندوستان کا دورہ کریں گی. اس سے پہلے ان کی گزشتہ دسمبر میں آنے کی منصوبہ بندی کی تھی لیکن مبینہ طور پر نوٹ بندی کی وجہ جنم لیتی سیاسی چیلنجوں میں نئی ​​دہلی کے الجھے ہونے کے سبب ان کے سفر کی منصوبہ بندی کو ملتوی کر دیا گیا تھا.

Indian Ocean Rim Association (IORA) ایسوسی ایشن کے ایک سربراہی کانفرنس سے الگ ہندوستان دورے سے توقعات کے بارے میں پوچھے جانے پر حسینہ نے کہا، 'میں ہندوستان آ رہی ہوں.' خارجہ سیکرٹری ایس. جے شنکر کی فروری میں ڈھاکہ سفر کے دوران حسینہ کے نائب پریس سیکرٹری ایم نجرول اسلام نے کہا تھا کہ بنگلہ دیش کی وزیر اعظم اپریل میں ہندوستان کا دورہ کریں گی. وہ وزیر اعظم نریندر مودی کی طرف سے سال 2015 میں انہیں دیے گئے دعوت پر بھارت کا دورہ کریں گی.

حکومت آذربائیجان اپنے عوام کے مذہبی جذبات کا خاص خیال رکھے: رہبر انقلاب اسلامی۔

 

اہل بیت(ع) نیوز ایجنسی ۔ ابنا ۔ کی رپورٹ کے مطابق جمہوریہ آذربائیجان کے صدر الہام علی اف نے اتوار کی شام رہبر انقلاب اسلامی آیت اللہ العظمی سید علی خامنہ ای سے ملاقات کی۔

رہبرانقلاب اسلامی نے اس ملاقات میں فرمایا کہ آذربائیجان کے عوام اور حکام کے ساتھ اسلامی جمہوریہ ایران کی قربت اور اپنائیت کے احساس میں اہم ترین عامل مذہبی اشتراک ہے- رہبرانقلاب اسلامی نے فرمایا کہ دونوں ملکوں کے وسائل و توانائیوں کے مقابلے میں اقتصادی تعاون کی سطح بہت کم ہے بنابریں دونوں ملکوں کا تجارتی حجم، موجودہ حجم سے دس گناہ زیادہ ہونا چاہئے-

رہبرانقلاب اسلامی آیت اللہ العظمی سید علی خامنہ ای نے اسلامی جمہوریہ ایران کے تعلق سے منجملہ ایٹمی مذاکرات کے دوران آذربائیجان کی حکومت کے موقف کو انتہائی مثبت قرار دیا اور فرمایا کہ آذربائیجان کی حکومت سیاسی حلقوں اور بین الاقوامی اداروں میں ہمیشہ ایران کے ساتھ رہی ہے اور اس مثـبت موقف نے دونوں ملکوں کو پہلے سے بھی زیادہ ایک دوسرے کے قریب کر دیا ہے- آپ نے ایران اور آذربائیجان کے گہرے تعلقات پر دشمنوں کی ناراضگی کا ذکر کرتے ہوئے فرمایا کہ خـبیث صیہونی حکومت ایران اور آذربائیجان کے تعلقات کو خراب کرنے کی کوشش میں دشمنوں میں سب سے آگے ہے، اس لئے دوطرفہ گہرے تعلقات کی حفاظت کرنی چاہئے-

رہبرانقلاب اسلامی نے آذربائیجان کے عوام اور ان کے مذہبی رجحانات کی تعریف کرتے ہوئے فرمایا کہ آذربائیجان کی حکومت کی کامیابی اور بھلائی، اپنے عوام کے مذہبی جذبات کا ساتھ دینے اور خیال رکھنے میں ہے- انہوں نے فرمایا کہ حکومت آذربائیجان، اپنے عوام کے مذہبی جذبات کا اس طرح سے خیال رکھے کہ وہ مذہبی رسومات کی ادائیگی میں کسی طرح کی تشویش میں مبتلانہ رہیں-

رہبرانقلاب اسلامی نے فرمایا کہ اگر آذربائیجان کی حکومت کو اپنے عوام کی حمایت حاصل رہے گی تو کوئی بھی طاقت آذربائیجان کو نقصان نہیں پہنچا سکے گی اور ہم بھی آذربائیجان کی حکومت اور عوام کی کامیابی کے لئے دعا کرتے ہیں-

اس ملاقات میں آذربائیجان کے صدر الہام علی اف نے بھی دونوں ملکوں کے مذہبی اور تاریخی اشتراکات کا ذکر کرتے ہوئے کہا کہ دونوں ملکوں کی اقوام، ہمیشہ ایک دوسرے کے شانہ بشانہ رہی ہیں اور رہیں گی اور گذشتہ برس آذربائیجان کے دس لاکھ شہریوں کا ایران کا سفر اسی مذہبی ثقافتی اور تاریخی اشتراک کا منہ بولتا ثبوت ہے- انہوں نے ایران اور آذربائیجان کے تعلقات کو خراب کرنے کی بعض طاقتوں کی کوششوں کی طرف اشارہ کرتے ہوئے کہا کہ دونوں ملکوں کے تعلقات اعلی سطح کے ہیں اور دشمنوں کے اس قسم کے اقدامات کا کوئی نتیجہ نہیں نکلے گا۔

 

 

دشمنوں کے خلاف مضبوطی سے کھڑا ہونا ایرانی قوم کی ثقافتی دولت ہے: قائد انقلاب اسلامی

 

اہل بیت(ع) نیوز ایجنسی۔ابنا۔  قائد اسلامی انقلاب آیت اللہ خامنہ ای نے فرمایا ہے کہ کمزوریوں کو دیکھانے سے دشمنوں کو ہمارے خلاف سازشوں کا موقع ملتا ہے لہذا ہمیں اپنی کمزوری کو ظاہر نہیں کرنا چاہئے.

ان خیالات کا اظہار قائد انقلاب اسلامی حضرت آیت اللہ العظمی 'سید علی خامنہ ای' نے پیر کے روز راہیان نور کاروان کے منتظمین اور خادمین کے ساتھ ایک ملاقات میں خطاب کرتے ہوئے کیا.

اس موقع پر انہوں نے فرمایا کہ ایران کے خلاف مسلط کی جانے والی آٹھ سالہ جنگ بھی اس لئے چیھڑی گئی کہ دشمنوں کو ہمارے درمیان کمزوریوں کا پتہ لگ گیا تھا.

انہوں نے دشمنوں کے خلاف لڑی جانے والی آٹھ سالہ جنگ اور دفاع مقدس کو ملک کے لئے عظٰیم سرمایہ اور دولت قرار دیا اور فرمایا کہ ملک دشمنوں کی سازشوں کو ناکام کرنے کا واحد طریقہ ملکی ثقافتی و تہذیب کو مزید اُجاگر کرنا اور دفاع مقدس کے ثمرات کو زندہ رکھنا ہے.

قائد اسلامی انقلاب نے فرمایا کہ دشمنوں کے خلاف مضبوط مزاحمت کا مظاہرہ اور غندہ گردی کرنے والی طاقتوں کے سامنے اٹھ کھڑے ہونا ایرانی قوم کے ثقافتی دولت ہے جس کو ہمیشہ زندہ رکھنا چاہئے.

انہوں نے اس بات پر زور دیا کہ اگر وطن عزیز کے خلاف دشمنوں کی سازشوں کو ناکام کرنا ہے تو پہلے دشمن کے سامنے اپنی کمزوریوں کو نہیں دیکھانا چاہئے اور دوسری بات مضبوط پہلووں اور طاقت میں مزید اضافہ کرنا چاہئے.

یاد رہے کہ قائد انقلاب اسلامی آیت اللہ خامنہ ای کے خطاب سے پہلے ایرانی مسلح افواج کے سربراہ میجر جنرل محمد باقری نے راہیان نور کاروان کی کی کارکردگی پر رپورٹ پیش کی.

۔۔۔۔۔۔۔۔۔۔۔۔۔۔۔۔

چھہ ممالک پر امریکا کی طرف سے ورود ممنوع ، عراق چھوڑ کر

 

اہل بیت(ع) نیوز ایجنسی۔ابنا۔ امریکہ کے صدر ڈونلڈ ٹرمپ نے نیا امیگریشن فرمان جاری کردیا ہے جس کے تحت ایران سمیت چھے اسلامی ملکوں کے شہرویوں پر امریکہ میں داخلے پر نوے دن کے لیے پابندی عائد کردی ہے۔

وائٹ ہاؤس کے مطابق، صدر ڈونلڈ ٹرمپ نے نئے امیگریشن فرمان پر پیر کو دستخط کردیئے ہیں۔ اس فرمان کے تحت ، ایران، شام، یمن، صومالیہ، سوڈان اور لیبیا کے شہریوں کو ویزہ جاری نہیں کیا جائے گا جبکہ پناہ گزین بھی ایک سو بیس روز تک امریکہ میں داخل نہیں ہوسکیں گے۔ ٹرمپ کے نئے فرمان میں میں، عراق کانام شامل نہیں ہے جبکہ پچھلے فرمان میں عراقی شہریوں کے بھی امریکہ میں داخلے پر پابندی عائد کی گئی تھی۔نئے فرمان پر سولہ مارچ سے علمدرآمد کیا جائے گا البتہ امریکہ میں مستقل قیام کرنے والوں پر اس کا اطلاق نہیں ہوگا۔ امریکی حکام کا کہنا ہے کہ نئے فرمان کے تحت امریکہ مذکورہ چھے ممالک کے ایسے شہری جن کے پاس امریکہ کا معتبر ویزہ ہے، وہ بلا روک ٹوک امریکہ میں آسکتے ہیں۔ٹرمپ کی جانب سے سات مسلمان ملکوں کے شہریوں کی آمریکہ آمد پر پابندی کا پہلا حکم نامہ، امریکی فیڈرل کورٹ نے معطل کردیا تھا۔امریکی صدر کے امیگریشن احکامات کے خلاف امریکہ اور دنیا کے مختلف ملکوں میں زبردست مظاہرے بھی کیے گئے تھے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۲۴۲

تصویری رپورٹ/ آیت اللہ وحید خراسانی کی حضرت زہرا(س) کے یوم شہادت کے جلوس میں شرکت

تصویری رپورٹ/ آیت اللہ وحید خراسانی کی حضرت زہرا(س) کے یوم شہادت کے جلوس میں شرکت

 

image list show

 

 

 

 

 

 

 

 

 

 

شام میں امریکا کے تعاون سے بری فوج بھیجنے کو تیار ہیں، سعودی عرب

 

•  

 

 

 

شیعیت نیوز: سعودی عرب کے وزیر خارجہ عادل الجبیر نے کہا ہے کہ امریکا کے ساتھ تعاون کے لئے ان کا ملک شام میں بری فوج بھیجنے کو آمادہ ہے۔ سعودی وزیر خارجہ عادل الجبیر نے منگل کو جرمنی کے ایک اخبار سے گفتگو میں کہا کہ سعودی عرب اور خلیج فارس کے دیگر ساحلی ملک شام میں بری فوج بھیجنے پر تیار ہیں۔ الجبیر نے کہا کہ سعودی فوجی، شام میں امریکی فوجیوں کے ساتھ تعاون کریں گے۔ انہوں نے کہا کہ داعش کے چنگل سے شام کے علاقوں کو آزاد کرانے کی مہم کے پیچھےبنیادی خواہش یہ ہے کہ شام کے آزاد ہونے والے علاقوں کو شام کے مخالفین کے حوالے کیا جائے اور ایران، حزب اللہ اور شامی حکومت کے ان علاقوں پر قبضے کو روکا جائے۔

سعودی عرب کے وزیر خارجہ نے شام میں تباہی کا ذمہ دار بشار اسد کو قرار دیا اور ایک بار پھر تاکید کی کہ بشار اسد کو اقتدار سے ہٹنا چاہئے۔ عادل الجبیر نے کہا کہ جمعرات سے شروع ہونے والے جنیوا امن مذاکرات کا یہ مقصد ہونا چاہئے کہ ہم شام کے لئے بشار اسد کے بغیر ایک عبوری سیاسی مرحلے کا انتظام کریں اور اگر یہ عبوری مرحلہ طے نہیں ہو گا تو ہم یہ سوچ بھی نہیں سکتے کہ شام کی جنگ کس طرح سے ختم ہو گی۔ انہوں نے کہا کہ بنیادی بات یہ ہے کہ ہمیں بشار اسد کی حکومت پر دباؤ بڑھانا چاہئے اور یہی واحد حل ہے۔ یاد رہے امریکی صدر ڈونلڈ ٹرمپ نے اس ملک کے وزیر دفاع کو حکم دیا ہے کہ وہ ایک ماہ کے اندر شام کے تناظر میں حکمت عملی تیار کریں اور شام میں بری فوج بھیجنے سمیت مختلف آپشن کا جائزہ لیں۔

لاہور: ڈیفنس میں بم دھماکا، 8 پاکستانی شہید،معتدد زخمی

 

•  

 

 

 

شیعیت نیوز: صوبہ پنجاب کے دارالحکومت لاہور کے پوش علاقے ڈیفنس میں بم دھماکے کے نتیجے میں 8 افراد شہید اور 21 زخمی ہوگئے۔

ابتدائی طور پر اطلاعات موصول ہوئی تھیں کہ دھماکا جنریٹر پھٹنے کے نتیجے میں ہوا تاہم بعدازاں پنجاب پولیس کے ترجمان  نے بم دھماکے کی تصدیق کی۔

بعدازاں لاہور کے علاقے گلبرگ میں بھی ایک اور دھماکے کی اطلاع موصول ہوئی، تاہم وزیر قانون پنجاب رانا ثناء اللہ نے گلبرگ میں دھماکے کی تردید کردی۔

ریسکیو ذرائع کے مطابق لاہور کے علاقے ڈیفنس فیز وائے میں ایک زیر تعمیر عمارت میں دھماکا ہوا، جس کے نتیجے میں قریبی عمارتوں کے شیشے ٹوٹ گئے اور کئی گاڑیوں کو بھی نقصان پہنچا۔

ابتدائی اطلاعات کے مطابق دھماکا جنریٹر پھٹنے کے نتیجے میں ہوا، تاہم بعدازاں پنجاب پولیس کے ترجمان نایاب حیدر نے خبر رساں ادارے ایسوسی ایٹڈ پریس (اے پی) سے بات کرتے ہوئے بتایا کہ 'یہ بم دھماکا تھا۔

جس مقام پر دھماکا ہوا، وہ لاہور کا ایک مصروف اور کمرشل علاقہ ہے جہاں کئی دفاتر اور کھانے پینے کے مراکز قائم ہیں۔

دھماکے کی اطلاع ملتے ہی پولیس جائے وقوع پر پہنچی اور اردگرد کی دکانیں بند کروا کر علاقے کو سیل کردیا گیا۔

جبکہ بم ڈسپوزل اسکواڈ کا عملہ بھی طلب کرلیا گیا۔

دوسری جانب لاشوں اور زخمیوں کو جنرل ہسپتال منتقل کردیا گیا، جہاں متعدد زخمیوں کی حالت تشویش ناک بتائی گئی۔

واضح رہے کہ ملک دشمن تکفیری جماعت جماعت الاحرار نے داعش کی چھتری تلے پاکستان میں لال مسجد کے انتقام کے لئے آپریشن غازی کا اعلان کیا ہوا ہے، اسی سلسلے میں ابتک ملک بھر میں کئی خطرناک دھماکہ اس جہادی تنظیم کی جانب سے کیئے جاچکے ہیں جس میں سیکڑوں پاکستانی شہید جبکہ سیکڑوں ہی زخمی ہیں

اتر پردیش کی جنگ ہار چکی ہے بی جے پی: اکھلیش

 

 

سماج وادی پارٹی (ایس پی) صدر اور وزیر اعلی اکھلیش یادو نے کہا کہ خواب دکھا کر مرکز کا اقتدار حاصل کرنے والی بھارتیہ جنتا پارٹی (بی جے پی) اتر پردیش کی جنگ میں ہار مان چکی ہے اور یہی وجہ ہے کہ وزیر اعظم نریندر مودی اور دوسرے لیڈر بے تکی تقریروں کے ذریعے انتخابات کی سمت تبدیل کرنے کی کوشش کر رہے ہیں۔مسٹر یادو نے آج بہرائچ / گونڈا اور شراوستی اضلاع میں منعقدہ انتخابی جلسوں میں کہا، وزیر اعظم مودی مقابلہ ہار چکے ہیں اور اب راستہ تبدیل کر رہے ہیں۔وہ کہتے ہیں کہ دیوالی پر بجلی ملتی ہے تو رمضان میں بھی ملنی چاہیے۔

حج تنازعے پر بات چیت کے لیے سعودی جائے گا ایرانی وفد8

 

 

تہران،21فروری(ایجنسی) ایران کا ایک سرکاری وفد اسی ہفتے سعودی دارالحکومت الریاض کا دورہ کررہا ہے جہاں وہ سعودی حکام کے ساتھ ایرانی عازمین حج کو حجاز مقدس بھیجنے کے بارے میں تبادلہ خیال کرے گا۔
ایران کی وزارت خارجہ کے ترجمان بہرام قاسمی نے بدھ کے روز ایک نیوز کانفرنس میں بتایا ہے کہ یہ دورہ سعودی عرب کی دعوت پر کیا جارہا ہے۔
دونوں ملکوں کے درمیان گذشتہ سال کے اوائل میں تہران میں سعودی سفارت خانے اور مشہد میں قونصل خانے پر مشتعل مظاہرین کے حملوں کے بعد سے تنازعہ چلا آرہا ہے اور ایران نے گذشتہ سال اپنے شہریوں کو حج کے لیے حجازِ مقدس نہیں بھیجا تھا۔
ایران کے سپریم لیڈر آیت اللہ علی خامنہ ای نے 2015ء میں حج کے دوران میں منیٰ میں بھگدڑ کے واقعے پر سعودی عرب کو کڑی تنقید کا نشانہ بنایا تھا اور یہ تجویز پیش کی تھی کہ سعودی عرب کے بجائے تمام مسلم ممالک کو مشترکہ طور پر تمام حج انتظامات کا بندوبست کرنا چاہیے۔

حسینیۂ امام خمینی مین امام خامنہ ای کا درس خارج

image list show