سعودی عرب کی اسرائیل کو تحفظ فراہم کرنے کی ناپاک کوشش

سعودی عرب کی اسرائیل کو تحفظ فراہم کرنے کی ناپاک کوشش

 

جون 4, 2016 - 11:10 PM

• News Code : 758190
• Source : shafaqna

 

Brief

سعودی عرب کے وزیر خارجہ عادل الجبیر نے عرب سازشی منصوبے کی طرف اشارہ کرتے ہوئے کہا ہے کہ اسرائیل کے لیے عرب سازشی منصوبہ بہترین آپشن ہے۔

اہل بیت(ع) نیوز ایجنسی ۔ ابنا ۔ کی رپورٹ کے مطابق فرانسیسی دار الحکومت پیرس میں مشرق وسطیٰ کے موضوع پر منعقد ہونے والی کانفرنس کے بعد صحافیوں سے گفتگو میں سعودی عرب کے وزیر خارجہ عادل الجبیر نے عرب سازشی منصوبے کی طرف اشارہ کرتے ہوئے کہا ہے کہ اسرائیل کے لیے عرب سازشی منصوبہ بہترین آپشن ہے۔عادل الجبیر نے کہا کہ عرب سازشی منصوبے میں وہ تمام عناصر موجود ہیں جو کسی حتمی تصفیے کے لیے ضروری ہوتے ہیں۔
اس نے نے کہا کہ سال 2002 ءمیں سعودی عرب کے سابق فرماروا شاہ عبداللہ بن عبدالعزیز کی جانب سے پیش کیا جانے والا یہ سازشی منصوبہ ابھی بھی میز پر رکھا ہوا ہے اور اسرائیل کو اسے قبول کر لینا چاہیےکیونکہ اسرائیل کے تحفظ کے لئے یہ بہترین منصوبہ ہے۔

۔۔۔۔۔۔۔

آیت اللہ دری نجف آبادی: پاکستان کی حکومت اور فوج لوگوں کے حقوق کا تحفظ کریں

انصاف کے لیے بھوک ہڑتال

آیت اللہ دری نجف آبادی: پاکستان کی حکومت اور فوج لوگوں کے حقوق کا تحفظ کریں

 

جون 3, 2016 - 11:44 PM

• News Code : 758019
• Source : ابنا خصوصی

 

Brief

پاکستان کے شیعہ بھی حق رکھتے ہیں کہ دنیا کے تمام دیگر انسانوں کی طرح اپنے قومی حقوق یا کم سے کم اپنے شہری حقوق حاصل کر کے امن و چین کی زندگی جئیں اگر کوئی ان پر تجاوز کرے تو تجاوز کرنے والے کے ساتھ سختی سے نمٹا جائے اور مجرمین کو انکے کیفر کردار تک پہنچایا جائے۔

اہل بیت(ع) نیوز ایجنسی۔ابنا۔ پاکستان میں کئی سالوں سے جاری شیعہ مسلمانوں پر ظلم و ستم کے خلاف علامہ راجہ ناصر جعفری کے ذریعے کی جا رہی بھوک ہڑتال کے حوالے سے اہل بیت(ع) عالمی اسمبلی کی اعلی کونسل کے رکن «آیت الله قربانعلی درّی نجف آبادی» نے ایک بیانیہ جاری کیا ہے جس کا مکمل ترجمہ حسب ذیل ہے:
بسم اللہ الرحمن الرحیم
قال الله العظیم: وَمَن قُتِلَ مَظْلُومًا فَقَدْ جَعَلْنَا لِوَلِیِّهِ سُلْطَانًا فَلَا یُسْرِف فِّی الْقَتْلِ إِنَّهُ کَانَ مَنصُورًا (سوره اسراء ــ آیه 33)
پاکستان کے غیرتمند اور شریف مسلمانو!
پڑوسی اور ساتھی ملک کے حکمرانو!
عزیز پاکستان کی بنیاد عدالت، انسانی کرامت، عزت اور سربلندی کے سائے میں اس ملک میں رہنے والے تمام مسلمانوں کے حقوق کے تحفظ پر رکھی گئی تھی۔ اس بنیاد پر امید کی جاتی ہے کہ اقبال لاہوری اور محمد علی جناح کے پاکستان پر عقل و منطق حکفرما ہونا چاہیے۔ اور تمام اسلامی فرقے مکمل اخوت اور بھائی چارے کے ساتھ آپس میں زندگی گزاریں۔ جیسا کہ دنیا کے مسلمان اور آزادی طلب انسان یہ عقیدہ رکھتے ہیں کہ پاکستان کو کسی بھی صورت میں دھشتگردی اور قبائیلی اور مذہبی خانہ جنگی کا کھلاڑا نہیں بننا چاہیے، اور ظالموں، جابروں اور دھشتگردی کے حامیوں کو اس ملک میں تفرقہ بازی اور شیطنت پھیلانے کی اجازت نہیں دینا چاہیے۔
افسوس کے ساتھ وہابیت کا خبیث ٹولہ دسیوں سال سے شیطانی سیرت پر چلتے ہوئے مسلمانوں کے درمیان نفرت اور تفرقہ کی آگ بھڑکا رہا ہے اور ہزاروں بے گناہ انسانوں اور اہل بیت(ع) کے پیروکاروں کا خون بہا رہا ہے اگر چہ پاکستان کے غیرتمند جوان اور اہل بیت(ع) کے مظلوم خدمتکار، پاراچنار، گلگت، بلتستان، کویٹہ، کراچی اور اس ملک کے دیگر شہروں میں شہادتوں کے جام پی رہے ہیں لیکن حقیقت میں انہیں صرف خاندان رسول خدا(ص) سے محبت اور سید الشہدا(ع) کی عزاداری کے جرم میں قتل کیا جا رہا ہے۔
ان گذشتہ سالوں میں، پاکستان کے بزرگ، برجستہ اور قابل قدر علماء اور حکمرانوں نیز عالم اسلام کے علماء اور انسانی حقوق کی تنظیموں کو چاہیے تھا کہ اس سر زمین میں جاری دھشتگردی اور شیعہ نسل کشی کو رکوائیں لیکن افسوس کے ساتھ کسی نے اس طرف کوئی توجہ نہیں دی!
پاکستان کے شیعہ بھی حق رکھتے ہیں کہ دنیا کے تمام دیگر انسانوں کی طرح اپنے قومی حقوق یا کم سے کم اپنے شہری حقوق حاصل کر کے امن و چین کی زندگی جئیں اگر کوئی ان پر تجاوز کرے تو تجاوز کرنے والے کے ساتھ سختی سے نمٹا جائے اور مجرمین کو انکے کیفر کردار تک پہنچایا جائے۔
لیکن پورے افسوس کے ساتھ کہنا پڑتا ہے کہ حالیہ سالوں میں اہل بیت(ع) کے پیروکاروں کے نہ صرف قومی اور شہری حقوق پامال کئے جا رہے ہیں بلکہ ان کا کھلے عام قتل عام کر کے انہیں کمزور بنایا جا رہا ہے! یہ طریقہ کار انہیں انکے ناجائز مقاصد میں کامیاب نہیں بنائے گا اور نہ ہی ان کے عاملین کو سر بلند کرے گا۔ اس لیے کہ اگر یہ غیر اسلامی طریقہ کار کسی کو کوئی سربلندی عطا کرتا تو دنیا میں سب سے زیادہ سربلند اور کامیاب صدام ہوتا۔
پاکستان کی مجلس وحدت مسلمین کے رہنما اور عزیز بھائی علامہ شیخ راجہ ناصر عباس جعفری اور دیگر مظلوم شیعہ مسلمان، اس ملک کے کئی شہروں میں بیس دن سے بھوک ہڑتال کے ذریعے اپنی مظلومیت بھری آواز میں اپنے حقوق کی بازیابی کا مطالبہ کر رہے ہیں اور عدل و انصاف کے خواہاں ہیں۔ پیغمبر اکرم کا فرمان ہے:  مَنْ سَمِعَ رَجُلاً یُنادِی یا لَلْمُسْلِمِینَ فَلَمْ یُجِبْهُ فَلَیْسَ بِمُسْلِم۔ لہذا امید کی جاتی ہے کہ پاکستان کے شریف مسلمان اور سرکاری اور حکومتی عہدہ دار اس سلسلے میں احساس مسئولیت کریں اور اجازت نہ دیں اس ملک کی ایک کثیر تعداد صرف فرزند رسول اور جگر گوشہ بتول سے محبت اور الفت کی وجہ سے ظلم و ستم کا نشانہ بنیں اور ان کے حقوق پامال کئے جائیں۔
پاکستانی حکومت اور فوج یہ جان لیں کہ ہر ملک کی سربلندی اور کامیابی مظلوموں کی حمایت اور ظالموں سے نفرت میں مضمر ہے۔ اسلامی ممالک کے حکمرانوں کو چاہیے کہ اپنی ملتوں کے ساتھ پدرانہ شفقت کے ساتھ پیش آئیں اس لیے کہ وہ صرف ایک ریوڑ کے محافظ کی حیثیت رکھتے ہیں۔
ہمارے پڑوسی اور دوست ملک کے حکمرانوں کو چاہیے کہ سید الشہدا(ع) کی عزاداری اور اہل بیت(ع) کے لاکھوں چاہنے والوں کے دیگر پروگراموں کی نسبت بھی احساس مسئولیت کریں۔ اور اس بات کی اجازت نہ دیں کہ تشدد پسند ٹولے ناحق طریقے سے شیعوں کا خون بہائیں۔ 
دری نجف آبادی
اہل بیت(ع) عالمی اسمبلی کی اعلی کونسل کے نائب سربراہ

مصر میں سرکاری فورسز کے حملوں میں متعدد دہشتگرد ہلاک

مصر میں سرکاری فورسز کے حملوں میں متعدد دہشتگرد ہلاک

 

جون 4, 2016 - 10:44 AM

• News Code : 758065
• Source : shafaqna

 

Brief

مصر میں سرکاری فورسز کے حملوں میں متعدد دہشت گرد مارے گئے ہیں۔

اہل بیت(ع) نیوز ایجنسی ۔ ابنا ۔ کی رپورٹ کے مطابق شمالی سینا میں دہشت گردوں کے خلاف فوج اور پولیس کی مشترکہ کارروائی، جسے مصری فضائیہ کی حمایت بھی حاصل ہے ، بدستور جاری ہے۔ بتایا جاتا ہے کہ گزشتہ دو روز کے دوران کم ازکم بائیس مسلح دہشت گرد ہلاک جبکہ ان کے آٹھ خفیہ ٹھکانے اور ان کے زیر استعمال نوگھر تباہ ہوگئے ہیں۔اس دوران پانچ دہشت گردوں کو انتہا پسندانہ اور تکفیری لٹریچر کے ہمراہ گرفتار کرلیاگیا۔

مصرکے سرکاری ذرا‏ئع کے مطابق فوج اور پولیس کے جوان الشلاق،عمیر خط الجورہ، اور ابو زماط کے علاقوں کو دہشت گردوں کے وجود سے پاک کرنے کے مقصد سے مسلسل سرچ آپریشن کر رہے ہیں۔ مصری فوج نے رفح ، شیخ زوید اور العریش میں دہشت گردوں کے خلاف ایک وسیع آپریشن شروع کر رکھاہے۔

سنہ دوہزار تیرہ میں سابق صدر محمد مرسی کی برطرفی کے بعد سے دہشت گردوں نے پولیس اور فوجی اہلکاروں کے خلاف کارروائیاں شروع کی ہیں۔

شمالی سینا میں سرگرم دہشت گرد داعش کے سرغنہ ابوبکر البغدادی کی اطاعت اور پیروی کرتے ہیں جس کے نتیجے میں اس گروہ کے ہاتھوں اب تک سیکڑوں مصری سیکورٹی اہلکاراپنی جان سے ہاتھ دھو بیٹھے ہیں۔

.......

/169

پاکستانی شیعوں کی بھوک ہڑتال، جہاد کا ایک نیا روپ: آیت اللہ ہادوی تہرانی

صاف کے لیے بھوک ہڑتال

پاکستانی شیعوں کی بھوک ہڑتال، جہاد کا ایک نیا روپ: آیت اللہ ہادوی تہرانی

 

جون 2, 2016 - 4:32 PM

• News Code : 757834
• Source : ابنا خصوصی

 

Brief

اہل بیت(ع) عالمی اسمبلی کی اعلی کونسل کے رکن نے اپنے بیان میں اس بھوک ہڑتال کو ایک نیا جہاد قرار دیا اور کہا: ہم عزیز پاکستان میں اہل بیت(ع) کے مظلوم پیروکاروں کے نعرہ حیدری کو بھول نہیں سکتے جو ظلم و ستم سے جان بہ لب ہو چکے ہیں۔

اہل بیت(ع) نیوز ایجنسی۔ابنا۔ پاکستان میں شیعہ مسلمانوں پر سالھا سال سے ہو رہے ظلم و ستم کے خلاف مجلس وحدت مسلمین کے سربراہ علامہ راجہ ناصر عباس جعفری اور بعض شیعہ شخصیتوں کے ذریعے جاری بھوک ہڑتال کے ساتھ اظہار یکجہتی کرتے ہوئے آیت اللہ مہدی ہادوی تہرانی نے ایک بیان جاری کیا ہے۔
اہل بیت(ع) عالمی اسمبلی کی اعلی کونسل کے رکن نے اپنے بیان میں اس بھوک ہڑتال کو ایک نیا جہاد قرار دیا اور کہا: ہم عزیز پاکستان میں اہل بیت(ع) کے مظلوم پیروکاروں کے نعرہ حیدری کو بھول نہیں سکتے جو ظلم و ستم سے جان بہ لب ہو چکے ہیں۔
انہوں نے زور دے کر کہا ہے کہ پاکستانی حکمرانوں کو پوری رواداری اور ہمدردی کے ساتھ عدل و انصاف کا تقاضا کرنے والی اس مظلومانہ آواز کا مثبت جواب دینا چاہیے اور اہل بیت اطہار(ع) سے عشق و محبت کرنے والے اس سرزمین کے مظلوم شیعوں کو ظلم و تشدد سے نجات دلانا چاہیے۔
بیانیہ کا مکمل ترجمہ حسب ذیل ہے:
بسم اللہ الرحمن الرحیم
"و سیعلم الذین ظلموا ای منقلب ینقلبون" (سوره شعراء؛ آیه 227)
امام خمینی رحمۃ اللہ علیہ کی رحلت کی سالگرہ کے ایام جو انقلاب اسلامی کو تازہ روح عطا کرتے ہیں اور صدائے حق و انصاف کے بلند کرنے والے اس رہبر حکیم کی یاد دلاتے ہیں میں دنیا کے کونے کونے سے اس حقیقت کے مشتاق ان کے مرقد کی طرف عازم سفر ہوتے ہیں اور انقلاب اسلامی کے تئیں محبتوں کے سینکڑوں قافلوں کو ہمراہ لاتے ہیں۔ ایسے ایام میں ہم عزیز پاکستان میں اہل بیت(ع) کے مظلوم چاہنے والوں اور نعرہ حیدری کی صدا بلند کرنے والوں کا بھی مشاہدہ کر رہے ہیں جو مسلسل ظلم و ستم سہتے سہتے جاں بہ لب ہو چکے ہیں اور مجاہد علما کی رہبریت میں بھوک ہڑتال کر کے جہاد کا ایک نیا چہرہ پیش کر رہے ہیں۔
امید ہے کہ یقینا پاکستانی حکمران پوری رواداری اور ہمدردی کے ساتھ اس مظلومانہ آواز جو اسلامی طریقے سے اپنے جائز مطالبات اور عدل و انصاف کی مانگ کر رہی ہے  کا مثبت جواب دیں گے اور خاندان رسول خدا صلی اللہ علیہ و آلہ سے عشق و محبت کرنے والے اس سرزمین کے شیعوں پر ناحق ہو رہے ظلم و ستم سے انہیں نجات دلائیں گے۔
اس اہم امر کی طرف عدم توجہ ممکن ہے ملک کی اندرونی طاقت کا شیرازہ بکھرنے یا قومی اتحاد کی پامالی کا باعث بنے کہ جس کی ذمہ داری براہ راست حکومتی عہدہ داروں کی گردن پر جائے گی۔
تشدد سے دور شیعوں کی اس مجاہدت اور ان کے منصفانہ مطالبات کا منطقی جواب، نہ صرف ایک الہی وظیفہ ہے بلکہ قومی اور ملکی استحکام کو قائم رکھنے کا بھی سبب ہے۔
ہم پاکستان کے شیعوں کو ظلم و ستم سے نجات دلانے کے لیے بھوک ہڑتال میں بیٹھنے والے شیعہ مجاہد علما کی اس حق پسند مہم کی بھرپور حمایت کرتے ہیں اور بارگاہ ایزدی سے ان کی کامیابی اور سلامتی کی دعا مانگتے ہیں یقینا امام عصر(ع) کی نیک دعائیں بھی ان کے ساتھ ہوں گی اور انشاء اللہ کامیابی ان کے قدم چومے گی۔
والسلام علیکم و رحمۃ اللہ
مہدی ہادوی تہرانی

۔۔۔۔۔۔۔۔۔۔۔۔۔۔۔

۲۴۲

'ٹرپل طلاق' پر 50 ہزار مسلمانوں نے چلائی دستخطی مہم، روک لگانے کا مطالبہ

'ٹرپل طلاق' پر 50 ہزار مسلمانوں نے چلائی دستخطی مہم، روک لگانے کا مطالبہ

Wed 01 Jun 2016, 18:29:40

 

نئی دہلی ،1جون(ایجنسی) ملک کے پچاس ہزار سے زیادہ مسلم خواتین اور مرد چاہتے ہیں کہ 'ٹرپل طلاق' یعنی تین بار طلاق کہنے پر روک لگے. تین طلاق کے خلاف 50 ہزار مسلمانوں نے دستخطی مہم چلائی ہے.
Bharatiya Muslim Mahila Andolan (BMMA) نے تین بار طلاق کہنے کو بین کرنے کے لئے ایک مہم شروع کی ہے. اس کے تحت ایک درخواست تیار کی گئی ہے، جس پر 50 ہزار مسلمانوں نے دستخط کئے ہیں. گجرات، مہاراشٹر، یوپی سمیت 13 ریاستوں کے مسلمانوں نے اس پر دستخط کئے ہیں. تاہم آل انڈیا مسلم پرسنل لاء بورڈ نے اس کی مخالفت کا اعلان کیا ہے.
BMMA نے نیشنل کمیشن فار ویمن (NCW) سے بھی اس مہم کو اپنی حمایت دینے کے لئے رابطہ کیا ہے. درخواست پر گجرات، مہاراشٹر، راجستھان، مدھیہ پردیش، کرناٹک، تمل ناڈو، تلنگانہ، اڑیسہ، مغربی بنگال، بہار، جھارکھنڈ، کیرل، اتر پردیش ریاستوں کے مسلمانوں نے دستخط کئے ہیں.

 

سعودی عرب تل ابیب میں اپنا سفارتخانہ کھولے گا

سعودی عرب تل ابیب میں اپنا سفارتخانہ کھولے گا

 

جون 1, 2016 - 3:24 PM

• News Code : 757638
• Source : irib

 

Brief

خبری ذرائع نے تل ابیب میں عنقریب ہی سعودی سفارتخانہ کھولے جانے کی خبر دی ہے.

اہل بیت(ع) نیوز ایجنسی ۔ ابنا ۔ کی رپورٹ کے مطابق فرانسیسی زبان میں "ولٹر نٹ" ویب سائٹ نے لکھا ہے کہ سعودی عرب تل ابیب میں سفارتخانے کی عمارت تعمیر کرا رہا ہے اور جلد ہی مقبوضہ فلسطین میں سعودی سفارتخانہ کھل جائے گا- کہا جا رہا ہے کہ تل ابیب میں سعودی سفارتخانے کی عمارت ، مقبوضہ فلسطین میں کسی غیر ملکی سفارتخانے کی سب سے بڑی عمارت ہے

تل ابیب میں سعودی عرب کا سفارتخانہ کھلنے کے ساتھ ہی چند عشروں سے اسرائیل کے ساتھ آل سعود کے خفیہ تعلقات کا خاتمہ ہوجائے گا۔

گذشتہ مہینوں کے دوران سعودی عرب اور صیہونی حکومت نے بالواسطہ اور براہ راست رابطہ برقرار کیا ہے- بلمبرگ نیوز ایجنسی نے جون دوہزار پندرہ میں شائع ہونے والی ایک رپورٹ میں کہا ہے کہ اسرائیل اور سعودی عرب کے نمائندوں نے پانچ مرتبہ خفیہ اجلاس کئے ہیں.

.......

پاکستان کے شیعوں کو عالمی حمایت درکار/ مطالبات پورے ہونے تک ہڑتال جاری رہے گی

پاکستان کے شیعوں کو عالمی حمایت درکار/ مطالبات پورے ہونے تک ہڑتال جاری رہے

 گی

جون 1, 2016 - 4:06 PM

• News Code : 757653
• Source : ابنا خصوصی

 

پاکستان میں شیعہ علماء کی قیادت میں جاری بھوک ہڑتال کے مقاصد کے بارے میں مزید معلومات حاصل کرنے کے لیے اہل بیت(ع) نیوز ایجنسی ۔ابنا۔ نے مجلس وحدت مسلمین کے بانیان میں شمار ایک اہم شخصیت سے انٹرویو لیا ہے۔ حجۃ الاسلام و المسلمین غلام حر شبیری جو اس وقت برطانیہ کے شہر لیوٹن (Luton) میں امامت جمعہ و جماعت کے فرائض انجام دے رہے ہیں جبکہ وہ اس سے قبل امریکہ کی ریاست ٹیگزاس کے اسلامی مرکز میں بھی دس سال کی مدت تک دینی خدمات انجام دے چکے ہیں۔

اہل بیت(ع) نیوز ایجنسی۔ابنا۔ پاکستان میں بعض شیعہ علماء اور عوام کو بھوک ہڑتال کے کیمپ میں بیٹھے ہوئے ۲۰ دن گزر گئے لیکن تاہم حکومت پاکستان کے کانوں میں جوں تک نہیں رینگی جبکہ اطلاعات کے مطابق مجلس وحدت مسلمین پاکستان کے رہنما حجۃ الاسلام و المسلمین علامہ ناصر عباس جعفری کی طبیعت بھی ناساز ہو چکی ہے۔
شیعہ علماء کا اتنے دنوں سے بھوک ہڑتال میں بیٹھنے کا مقصد صرف ایک ہے وہ یہ ہے کہ پاکستان میں مسلمان کشی مخصوصا شیعہ نسل کشی کا سلسلہ بند کیا جائے۔ بھوک ہڑتال کا یہ سلسلہ پاکستان کے شہر لاہور سے شروع ہوا دھیرے دھیرے پاکستان کے دیگر شہروں کراچی، پاراچنار اور ملتان تک پہنچ گیا کہ جہاں لوگ چالیس ڈگری سے زیادہ شدت کی گرمی میں اپنے اپنے شہروں میں بھوک ہڑتال کے کیمپ لگا کر بیٹھ گئے ہیں۔ 
شیعہ نسل کشی کے خلاف بھوک ہڑتاک کا یہ سلسلہ نہ صرف پاکستان کے شہروں میں محدود ہوا بلکہ لندن اور نیویارک تک بھی پہنچ گیا لیکن ابھی بھی پاکستان کے مظلوم شیعوں کو عالمی حمایت کی ضرورت ہے تاکہ وہ اپنی آواز کو دنیا کے کونے کونے تک پہنچا سکیں کہ شیعہ مظلوم ہیں اور وہ ہر دور سے زیادہ آج کے دور میں دھشتگردی کا شکار ہو رہے ہیں جبکہ ان کا کوئی پرسان حال نہیں۔ وہ اسلحے کے زور پر نہیں بندوق اور بم کے ذریعے نہیں بلکہ پرامن طریقے سے تپتی ہوئی دھوپ میں سڑکوں پر بھوک کی حالت میں بیٹھ کر کے اپنے حقوق کا مطالبہ کر رہے ہیں اور شیعہ قوم کی حفاظت کی مانگ کر رہے ہیں۔
پاکستان میں شیعہ علماء کی قیادت میں جاری بھوک ہڑتال کے مقاصد کے بارے میں مزید معلومات حاصل کرنے کے لیے اہل بیت(ع) نیوز ایجنسی ۔ابنا۔ نے مجلس وحدت مسلمین کے بانیان میں شمار ایک اہم شخصیت سے انٹرویو لیا ہے۔ حجۃ الاسلام و المسلمین غلام حر شبیری جو اس وقت برطانیہ کے شہر لیوٹن (Luton)  میں امامت جمعہ و جماعت کے فرائض انجام دے رہے ہیں جبکہ وہ اس سے قبل امریکہ کی ریاست ٹیگزاس کے اسلامی مرکز میں بھی دس سال کی مدت تک دینی خدمات انجام دے چکے ہیں۔

حجۃ الاسلام و المسلمین شبیری کے ساتھ ابنا کی گفتگو:
ابنا: ہم آپ سے پہلا سوال یہ کرنا چاہیں گے کہ آپ یہ بتائیں پاکستان میں علامہ راجہ ناصر عباس جعفری صاحب اور دیگر شیعہ شخصیات نے بھوک ہڑتال کا سلسلہ کس وجہ سے شروع کیا؟
۔ بسم اللہ الرحمن الرحیم؛ اس بھوک ہڑتال کی اصلی وجہ، پاکستان میں گذشتہ کئی سالوں سے جاری شیعوں کا قتل عام ہے۔ انیس سو باسٹھ سے لے کر اب تک پاکستان میں دھشتگرد ٹولیوں نے ستائیس ہزار شیعوں جن میں اہم شیعہ شخصیات بھی شامل ہیں کو اپنی دھشتگردی کا نشانہ بنایا ہے لیکن حکومت پاکستان آج تک اس حوالے سے کوئی موثر اقدام نہیں کیا ہے۔ شیعوں کے قاتل اور دشمن کھلے عام دھندناتے گھومتے اور دھشتگردانہ کاروائیاں کرتے ہیں جبکہ بعض جگہوں پر تو ان کی حمایت بھی کی جاتی ہے!
دوسری بات یہ کہ موجود حکومت جو جناب نواز شریف کی زیر قیادت ہے وہ شیعوں کے ساتھ ایک خاص قسم کی الرجی اور دشمنی ظاہر کرتی ہے شیعوں کی زمینوں اور ان کی ملکیتوں کو ان سے چھینا جا رہا ہے اور بعض جگہوں پر صرف شیعوں کو ایذا رسانی کی خاطر انہیں گرفتار کیا جاتا ہے اور سلفی وہابی مولوی بھی حکومت کے ساتھ اس ظلم و ستم میں ہم نوالہ و ہم پیالہ ہیں۔
ابنا: برائے مہربائی حکومت کے حالیہ اقدامات کے بارے میں مزید وضاحت کریں۔ یعنی کیسے حکومت شیعوں کی زمینوں کو قبضا رہی ہے؟
۔ گلگت اور بلتستان میں جو شیعہ علاقے ہیں وہاں پر اہل بیت(ع) کے ماننے والوں کے پاس وافر مقدار میں زمینیں اور جائیدادیں ہیں حکومتی کارندے مختلف بہانوں سے ان کی زمینوں کو ہتھیانے کی کوشش کرتے ہیں اور ان کی کوشش ہے کہ شیعوں کو ان علاقوں میں ضعیف بنایا جائے۔
ابنا: اچھا! حکومت کے ظلم و ستم کے بارے میں مزید جانکاری دیں گے؟
۔جی ہاں، حالات بہت غم انگیز ہیں۔ چند روز قبل پاراچنار جو شیعہ نشین علاقہ ہے اس میں خود سکیورٹی فورسز نے، نہ دھشتگردوں، نے امام حسین علیہ السلام کے یوم ولادت پر ایک جشن پر حملہ کیا اور کئی لوگوں کو خاک و خون میں غلطاں کر دیا۔ ڈیڑھ اسماعیل خان میں چند روز قبل چار افراد کا قتل کر دیا اور حکومت نے کوئی نوٹس نہیں لیا!
ابنا: جیسا کہ آپ نے کہا شیعوں پر حکومت کی طرف سے دباؤ کئی سالوں سے جاری ہے۔ کیا آپ یہ سوچ رہے ہیں کہ اس بھوک ہڑتال کا اس حوالے سے کوئی فائدہ ہو گا؟
۔ مجلس وحدت مسلمین خاص طور پر علامہ راجہ ناصر صاحب کا یہ ارادہ ہے کہ جب تک حکومت ان کے جائز مطالبات کو پورا نہ کرے گی اس بھوک ہڑتال کو جاری رکھیں گے وہ بھوک ہڑتال کے ذریعے حکومت پر دباؤ ڈالنا چاہتے ہیں نیز عوامی توجہ کو بھی اپنی طرف مبذول کرانا چاہتے ہیں تاکہ لوگوں میں بیداری پیدا ہو سکے۔

ابنا: بھوک ہڑتال کرنے والوں کے مطالبات کیا کیا ہیں؟
۔ ان کے مطالبات معین اور مشخص ہیں:
۱: پاکستان بھر میں ہونے والے شیعہ قتل عام کی روک تھام کی جائے
۲: تاحالا دھشتگردی کا شکار بنے شیعوں کی کیسوں کی کاروائیوں کو فوجی عدالت کے حوالے کیا جائے
۳: صوبہ پنجاب میں شیعہ عزاداری پر لگائی گئی پابندیوں کو ہٹایا جائے
۴: پاکستان میں تکفیری سرگرمیوں کو روکا جائے
۵: صوبہ خیبر پختونخوا میں حالیہ شیعہ قتل عام کے خلاف حکومت موثر اقدام کرے
۶: پاراچنار میں سکیورٹی دستوں کے ذریعے کئے گئے شیعوں کے قتل کے حوالے سے تحقیقات کے لیے کمیٹی تشکیل دی جائے
۷: گلگت اور بلتستان میں حکومت کے ذریعے شیعوں کی زمینوں کو ہڑپ کئے جانے کا سلسلہ روکا جائے۔
بھوک ہڑتال کرنے والے اس وقت تک ہڑتال کیمپوں سے باہر نہیں آئیں گے جب تک ان کے یہ سات مطالبات پورے نہ ہوں۔
ابنا: کیا آپ سوچ رہے ہیں کہ حکومت پاکستان یا آئی ایس آئی ان مطالبات کو پورا کرنے کے لیے تیار ہو گی؟
۔ بھوک ہڑتال کی خبریں پورے پاکستان میں پھیل چکی ہیں اور لوگ دوسرے شہروں میں بھی بھوک ہڑتال پر بیٹھ چکے ہیں تاہم حکومت بالکل خاموش ہے۔ ہڑتال کرنے والے مصمم ہیں کہ حکومت پر دباؤ ڈال کر لاکھوں افراد کے حقوق حکومت سے منوائیں یا کم سے کم شیعوں کو اتنے پاور ملیں کہ وہ خود اپنے حقوق کا دفاع کر سکیں۔ اگر ملک کے اندر اور باہر لوگوں کے ضمیر بیدار ہو جائیں تو ان مقاصد کو حاصل کیا جا سکتا ہے۔
ابنا: بھوک ہڑتال کب شروع ہوئی اور آج کتنے دن ہو چکے ہیں؟
۔ ۱۳ مئی کو شروع ہوئی اور آج ۲۰ دن ہو چکے ہیں۔
ابنا: پہلے دن سے ہی بھوک ہڑتال تھی؟
جی ہاں، علامہ راجہ ناصر صاحب نے روز اول سے ہی بھوک پڑتال شروع کی۔
ابنا: کتنے لوگ اور ان کے ساتھ اس ہڑتال میں شامل ہیں؟
اصل میں بھوک ہڑتال علامہ ناصر صاحب کی جانب سے شروع ہوئی لیکن اب مجلس وحدت کے تقریبا تمام دیگر رہنما بھی ان کے ساتھ کیمپ میں شامل ہیں۔ جیسا کہ اشارہ کیا گیا اس خبر کے پھیلتے ہی ملک کے اندر دوسرے شہروں اور ملک سے باہر بھی بھوک ہڑتال کا سلسلہ شروع ہو گیا۔ اور ہر روز دسیوں افراد ان کے ساتھ شامل ہو رہے ہیں۔
اس وقت پاکستان کے شہر لاہور، کراچی، ملتان، پاراچنار، بلتستان اور پھر لندن اور نیویورک میں بھی مقیم پاکستانیوں نے بھوک ہڑتال کا سلسلہ شروع کر دیا ہے۔ چند روز قبل لندن میں پاکستانی سفارتخانے کے باہر راجہ صاحب کی حمایت میں دھرنا دیا گیا۔ در ضمن، اس وقت تک پاکستان کے تمام غیر سرکار تنظیموں نے ہڑتال کرنے والوں کے مطالبات کی حمایت کر دی ہے یہ امر اس بات کی عکاسی کرتا ہے الحمد للہ یہ اقدام ایک موثر اقدام ہے۔
ابنا: ہڑتال کا کیمپ کس جگہ لگایا گیا ہے؟
اسلام آباد کے مرکزی میڈیا سنٹر Press club) ) کے سامنے کیمپ لگایا گیا ہے۔
ابنا: بھوک ہڑتال کرنے والوں کی جسمانی حالت اس وقت کیسی ہے؟
ان کی جسمانی حالت اچھی نہیں ہے عمومی کمزوری طاری ہے گذشتہ روز علامہ ناصر صاحب کی طبیعت زیادہ خراب ہو گئی تھی کہ انہیں ہسپتال منتقل کرنا پڑا اور دو گھنٹے بعد وہ دوبارہ کیمپ میں واپس آ گئے۔
ابنا: پاکستان کے علاوہ دوسرے ممالک کے شیعوں سے آپ کیا امید رکھتے ہیں؟
ان سے ہمیں یہ امید ہے کہ وہ بھی مسلمانوں مخصوصا پاکستان کے شیعوں کی نسبت ہمدردی کا اظہار کریں اور ممکنہ طور پر ان کے ساتھ حمایت کا اعلان کریں۔
ابنا: آخر میں اگر کوئی خاص بات کہنا چاہیں تو بیان کریں۔
میں مراجع عظام، علمائے اعلام، بزرگان قوم، میڈیا اور دیگر دانشوروں سے یہ اپیل کرنا چاہوں گا کہ وہ بھی اس سلسلے میں فی الفور اپنی حمایت کا اعلان کریں پاکستان کے شیعوں کے حقوق اور بھوک ہڑتال کرنے والوں کے مطالبات کی تئیں اپنی حمایت کا اعلان کریں۔ بسا اوقات ہمیں یہ لگتا ہے کہ وہ پاکستان کے مسائل کو کوئی خاص اہمیت نہیں دیتے۔
ابنا: ہم آپ کا شکر گزار ہیں جو آپ نے ہمیں گفتگو کا موقع دیا اور ہمیں عمدہ معلومات فراہم کیں۔

                         

 

ایرانی حجّاج اس سال حج سے محروم

س سال حج کے سفر پر ایرانی شہری نہیں جائیں گے

Mon 30 May 2016, 19:35:34

 

دبئی،30مئی(ایجنسی) سعودی عرب کے ساتھ بڑھتی ہوئی کشیدگی کے درمیان ایران نے کہا ہے کہ وہ اپنے شہریوں کو اس سال حج کے لئے سعودی عرب نہیں بھیجے گا۔
ایرانی حج تنظیم نے کل اس معاملے میں روڑے اٹکانے کے لئے سعودی عرب کو ذمہ دار ٹھہراتے ہوئے کہا کہ وہ ایرانی شہریوں کو حج کے سفر کے دوران مکمل تحفظ دینے کی ان کی مانگ کو مبینہ طور پر کوئی اہمیت نہیں دے رہا ہے۔
ایسے میں شہریوں کے تحفظ کو ذہن میں رکھتے ہوئے انہیں وہاں نہ بھیجنے کا فیصلہ کیا گیا ہے۔

داعش کے ھاتھوں خواتین کی فروخت

گھر > خصوصی

اسلامک اسٹیٹ کی درندگی

Tue 31 May 2016, 19:28:59

 

فیس بک کے ذریعے داعش کے خونخوار خواتین یرغمالیوں کی نیلامی کررہے ہیں 

نئی دہلی: ۳۱؍مئی: (ایجنسی)  دہشت گرد تنظیم آئی ایس آئی ایس کے دہشت گرد اب سوشل میڈیا پر خواتین یرغمالیوں کی نیلامی کر رہے ہیں۔ یہ یزیدی اور عیسائی لڑکیاں ہیں جنہیں آئی ایس آئی ایس کے حملہ آور گروہوں نے شام اور عراق سے اغوا کیا یا پھر حملوں کے دوران یرغمال بنایا ہے۔آرٹی ڈاٹ کام میں شائع رپورٹ کے مطابق، 20 مئی کو ابو اسد المانی نام کے داعش کے دہشت گرد نے فیس بک پر پوسٹ کیا، اس نے لکھا 'غلام خریدنے کے بارے میں سوچ رہے ہو بھائی لوگ، اس کی قیمت 8000 ڈالر ہے۔رپورٹ کے مطابق تنظیم ایسا فنڈ جمع کرنے کے مقصد سے کر رہی ہے۔ وہ وقتاً فوقتاً خواتین یرغمالیوں کی الگ الگ تصاویر پوسٹ کرتا ہے۔ فیس بک ان تصاویر کو چند گھنٹوں کے اندر ہٹا لیتا ہے۔ یہ صاف نہیں ہو پایا کہ دہشت گرد ابو اسد المانی یہ خود کر رہا تھا یا پھر کسی اور کی طرف سے ایسا کر رہا تھا۔ماہرین کا کہنا ہے کہ آئی ایس آئی ایس کے جال میں پھنسی سینکڑوں لڑکیوں کے ساتھ جانوروں جیسا سلوک ہو رہا ہے اور ان کا جنسی استحصال ہو رہا ہے۔ یہ تمام لڑکیاں انتہائی مشکلات کے دور سے گزر رہی ہیں۔ انسانی حقوق کے گروپوں کا کہنا ہے کہ آئی ایس آئی ایس پر عراق اور شام میں جس طرح سے دباؤ بڑھ رہا ہے، اس کا خمیازہ خواتین غلاموں کو بھگتنا پڑ رہا ہے۔

 

شھر فلّوجہ کا ایک شھر آزاد ہو گیا

عراقی افواج نے شہر فلوجہ کا ایک اور علاقہ آزاد کرالیا

 

مئ 31, 2016 - 8:40 PM

• News Code : 757534
• Source : ۔

 

Brief

عراقی افواج نے شہر فلوجہ کا ایک اور علاقہ آزاد کرالیا ہے

اہل بیت(ع) نیوز ایجنسی۔ابنا۔ عراق کی فوج اور عوامی رضاکار فورس کی مشترکہ کمان نے اعلان کیا ہے کہ شہر فلوجہ کے علاقے الشہدا کو داعش سے آزاد کرا لیا گیا ہے۔

اس رپورٹ کے مطابق شہدا پر عراقی افواج کے تسلط کے بعد شمالی سیکٹر سے بھی شہر فلوجہ میں داخل ہونے کا راستہ کھل گیا ہے۔

رپورٹوں میں بتایا گیا ہے کہ شہر فلوجہ میں عراقی افواج اور داعش کے درمیان شدید جھڑپیں ہوئی ہیں ۔

بغداد آپریشن کمان نے اعلان کیا ہے کہ منگل کو شہر فلوجہ کے شمال مغربی علاقے صقلاویہ میں داعش کے مراکز پر عرافی فضائیہ کے حملے میں کم سے کم اٹھائیس دہشت گرد ہلاک ہوگئے ۔ اس رپوررٹ کے مطابق عراقی جنگی طیاروں نے صقلاویہ میں داعش کے تین خفیہ مراکز تباہ کر دیئے ہیں ۔

اس رپورٹ کے مطابق شہر فلوجہ کو آزاد کرانے کے آپریشن کے کمانڈر عبدالوہاب الساعدی نے بتایا ہے کہ شہر فلوجہ کے جنوب میں داعش نے عراقی افواج پرحملہ کیا لیکن یہ حملہ پسپا کر دیا گیا ۔ انھوں نے بتایا کہ اس حملے میں داعش کے پچھتر دہشت گرد ہلاک ہوئے ۔