اہل بیت(ع) نیوز ایجنسی۔ابنا۔ سرینگر/جموں کشمیر انجمن شرعی شیعیان کے سربراہ اور سینئر حریت رہنما آغا سید حسن الموسوی الصفوی نے ہائر سکنڈری سکول بڈگام کے طلاب پر پولیس کے جبروتشدد اور اسکولی عمارت کو بے دردی کے ساتھ ٹیرگیس شلوں کا نشاقنہ بنانے پر شدید غم و غصے کا اظہار کرتے ہوئے اس کی پُرزور الفاظ میں مذمت کی۔ آغا صاحب نے کہاکہ پولیس گزشتہ ایک ہفتے سے اسکولی طلاب کو حراساں کرنے اور طلبہ کو گرفتار کرنے کیلئے غیر ذنہ دارانہ طرز عمل کا مظاہرہ کررہی ہے۔ طلبہ کی گرفتاری کو بلاجواز قرار دیتے ہوئے آغاصاحب نے کہا کہ پولیس کے اس غیرمہذبانہ اور انتقام گیرانہ طرزعمل سے طلاب کے جذبات بُری طرح مجروح کیئے جارہے ہیں، اور نتیجہ کے طور پر طلاب سڑکوں پر آکر احتجاجی مظاہروں پر مجبور ہورہے ہیں۔ آغا صاحب نے وادی کے دیغر مقامات نیوہ پلوامہ، زینہ کوٹ، آری پانتھن، کپواڑہ، وغیرہ میں طلبہ کے ہمہ گیر احتجاجی مظاہروں کو سرکاری فورسز کے انسانیت سوز عزائم کا رد عمل قرار دیتے ہوئے کہا کہ بھارت اپنے کشمیر دشمن ایجنڈے کی تکمیل کیلئے اب ہمارے تعلیمی اداروں کو بھی نہیں بخش رہا ہے۔