لال قلعہ سے مودی نے بلوچستان، گلگت اور پی او کے کا نام لے کر پاکستان پر شکنجہ کسا

 

نئی دہلی، 15 اگست (یو این آئی) وزیر اعظم نریندر مودی نے آج لال قلعہ کی فصیل سے بلوچستان، پاک مقبوضہ کشمیر اور گلگت کے لوگوں سے براہ راست بات چیت کرکے دہشت گردوں کو سرپرستی دینے کے خلاف پاکستان کو سخت پیغام دیا۔

 

مسٹر مودی نے 70 ویں یوم آزادی پر قوم سے خطاب کرتے ہوئے بلوچستان، پاک مقبوضہ کشمیر اور گلگت کے علاقوں کا براہ راست ذکر کیا۔

 

یہ پہلا موقع ہے جب کسی وزیر اعظم نے لال قلعہ کی فصیل سے ان علاقوں کے لوگوں سے براہ راست بات چیت کی ہے۔

گائے ذبح کرنے کے شبہے میں دو افراد پر تشدد

 

 

آندھرا پردیش میں پولیس کا کہنا ہے کہ مشتعل ہجوم نے دو دلت رشتے 

داروں کو گائے ذبح کرنے کے شہبے میں تشدد کا نشانہ بنایا۔

 

پولیس کے مطابق 50 افراد پر مشتعل ہجوم نے دلت ذات سے تعلق رکھنے والے دو رشتہ دار موکتی الیشا اور وینکیتیشور راؤ کو پیر کے روز درخت سے باندھ کر اس وقت تشدد کا نشانہ بنایا جب وہ آندھرا پردیش کے ایک گاؤں میں مردہ گاؤں کی کھال اتار رہے تھے۔

آندھرا پردیش کے مقامی ڈپٹی سپرنٹنڈنٹ لنکا انکھا نے خبر رساں ادارے اے ایف پی کو بتایا کہ جب گاؤں والوں نے موکتی الیشا اور وینکیتیشور راؤ کو مردہ گائے کی کھال اتارتے ہوئے دیکھا تو وہ سمجھے کہ وہ زندہ گائے کو ذبح کر رہے ہیں۔

ڈپٹی سپرنٹنڈنٹ کے مطابق ہجوم نے جذبات میں آ کر موکتی الیشا اور وینکیتیشور راؤ پر تشدد کرنا شروع کر دیا۔

ان کا مزید کہنا تھا کہ پولیس نے اس واقعے کے بعد اب تک سات افراد کو حراست میں لے لیا ہے

کل جماعتی اجلاس: پاکستان پر سخت ہوئے PM مودی؛ کہا PoK ہندوستان کا حصہ

 

نئی دہلی،12اگسٹ(ایجنسی) کشمیر پر جمعہ کو ہوئے کل جماعتی اجلاس میں پی ایم مودی نے پاکستان کو سخت پیغام دیا. پی ایم مودی نے کہا کہ اب پاکستان کو پی او اور بلوچستان میں ظلم پر جواب دینا ہوگا. انہوں نے کہا کہ ہندوستان قوانین پر عمل کرتا ہے، اس لیے پاکستان کو اسے کمزوری نہیں سمجھنی چاہئے. وزیر اعظم نے کہا کہ پاکستان کے قبضے والا کشمیر (پی او کے) جموں و کشمیر کا لازمی حصہ ہے.
پہلی بار بلوچستان کے مسئلے پر وزیر اعظم نے کہا کہ پی او اور بلوچستان میں ظلم پر اب پاکستان کو جواب دینا ہوگا. وزیر اعظم نے کہا کہ پاکستان اپنے ملک کے شہریوں پر بھی بم برساتا ہے.
وزیر اعظم نے کہا کہ پاکستان کشمیر میں ماحول خراب کر رہا ہے. انہوں نے کہا، 'کشمیر میں سرحد پار دہشت گردی سے بھاری نقصان ہو رہا ہے. جموں و کشمیر کے واقعہ سے مجھے گہرا دکھ پہنچا ہے. اس تشدد سے سب سے زیادہ غریب متاثر ہوئے ہیں. کشمیر تشدد کا حل امن سے نکلنا چاہئے. ' وزیر اعظم نے کہا کہ ہر کشمیری جمہوریت میں اعتماد رکھتا ہے. پی ایم مودی نے کہا، 'ہم کھلے خیالات والے ہیں اور ہمارے دروازے کھلے ہیں.'

کشمیر وادی میں ماحول پرامن کرنا ضروری: کانگریس

 

نئی دہلی،12اگسٹ(ایجنسی) کانگریس نے کشمیر وادی کی موجودہ صورت حال کو انتہائی دباؤ اور المناک قرار دیتے ہوئے آج کہا کہ وہاں امن بحالی کے لئے شہریوں کے زخموں پر مرہم لگانے اور تحریک کر رہے لوگوں سے بات چیت کرکے کی ضرورت ہے.
کانگریس کے سینئر لیڈر  غلام نبی آزاد نے یہاں پریس کانفرنس میں کہا کہ وزیر اعظم نریندر مودی کی صدارت میں ہوئی کل جماعتی میٹنگ میں کانگریس کی طرف سے سب سے پہلے سابق وزیر اعظم منموہن سنگھ نے اپنی بات رکھی اور کہا کہ وہاں کے حالات میں فوری بہتری لانے کی ضرورت ہے.
صورت حال کو معمول بنانے کی ذمہ داری حکومت کی بتاتے ہوئے انہوں نے یقین دہانی کرائی کہ اس سمت میں حکومت کی طرف سے جو بھی مثبت اقدامات کئے جائیں گے کانگریس اس کی حمایت کرے گی.

کشمیر میں پاکستان کا جشن آزادی منائے جانے پر ہندوستان کو تشویش

 

 

اہل بیت(ع) نیوز ایجنسی ۔ ابنا ۔ کی رپورٹ کے مطابق ہندوستان کے سیکورٹی اداروں نے اپنی ایک رپورٹ میں وزارت داخلہ کو آگاہ کیا ہے کہ مختلف تنظیمیں چودہ اگست کو ہندوستان کے زیرانتظام کشمیر میں پاکستان کا جشن آزادی منانے کی تیاریاں کر رہی ہیں۔ اس رپورٹ کے مطابق ہندوستان کے زیرانتظام کشمیر میں کم سے کم پچیس مقامات پر پاکستان کا یوم آزادی منائے جانے کا امکان ہے۔

دوسری جانب ہندوستان کے زیرانتظام کشمیر کی وزیراعلی محبوبہ مفتی نے سیکورٹی فورس سے کہا ہے کہ وہ مظاہرین کو منتشر کرنے کے لیے طاقت کے استعمال سے گریز کریں۔ ہندوستان کے زیر انتظام کشمیر میں آٹھ جولائی کو حزب المجاہدین نامی کشمیری گروہ کے کمانڈر برھان وانی کے قتل کے بعد سے پرتشدد مظاہروں اور احتجاج کا سلسلہ جاری ہے جس کے نتیجے میں معمولات زندگی مفلوج ہوکر رہ گئے ہیں۔

ہندوستانی حکام نے ایک بار پھر کشمیر میں موبائل فون سروع معطل کر دی ہے اور لوگوں کو نماز جمعہ ادا کرنے کی اجازت نہیں دی۔ ہندوستان کے زیرانتظام کشمیر کے مقامی حکام کا کہنا ہے کہ ایک ماہ سے زیادہ عرصے سے جاری پرتشدد مظاہروں میں کم سے کم پینسٹھ افراد مارے جا چکے ہیں۔ سات ہزار کے قریب لوگ زخمی بھی ہوئے جن میں سیکورٹی فورس کے اہلکار بھی شامل ہیں۔

.......

یمن میں انسانی حقوق کی دھجیاں اڑائی جارہی ہیں: اقوام متحدہ

 

 

جنیوا، 5 اگست (یو این آئی) اقوام متحدہ کی رپورٹ کے مطابق یمن میں سعودی عرب کی قیادت والی اتحادی افواج اور حوثی باغی دونوں انسانی حقوق کی خلاف ورزی کر رہے ہیں۔
ایک طرف اتحادی افواج شہریوں پر جان بوجھ کر حملے کر رہی ہے تو دوسری طرف حوثی باغی عام لوگوں کو ڈھال کی طرح استعمال کر کے ان کی جان کو خطرے میں ڈال رہے ہیں۔
اس رپورٹ کے مطابق اتحادی افواج نے جان بوجھ کر ایک گھر پر فضائی حملہ کیا، جس میں چار بچوں کی موت ہو گئی۔

دنیا کے جغرافیائی نقشہ کے ایپ سے فلسطین کا نام ہٹانے پر گوگل کی نکتہ چینی

 

دبئی، 6 اگست (یو این آئی) انٹرنیٹ سرچ انجن گوگل نے اپنے عالمی نقشہ ( میپ) ایپ سے فلسطین کا نام ہٹا کر وہاں اسرائیل لکھ دیا ہے، جس کی دنیا بھر میں شدید تنقید ہو رہی ہے۔
فلسطین کی صحافی تنظیم نے اسے فلسطین کو ہمیشہ کے لئے مٹانے کی سازش قرار دیتے ہوئے کہا کہ امریکی کمپنی نے جان بوجھ کر ایسا کیا ہے۔
گوگل نے اسرائیل کی منصوبہ بندی کے مطابق آنے والی نسلوں کو گمراہ کر کے ایک جائز ملک کے طور پر اپنے نام کو ثابت کرنے کے لیے ایسا کیا ہے۔

گذارش

مراجعین محترم ! اس کے بعد سے شاہ خراسان نیوز کے لۓ http://shahekhurasan.in/   کو کھو لیں ، اس وب سایٹ پر تازہ خبریں ڈالا جاۓ گا ۔ 

آپ کا ممنون و مشکور 

محمد باسط علی