یوم تاسیس تلنگانہ

تلنگانہ یوم تاسیس حیدرآباد اور دہلی میں تقاریب

Wed 01 Jun 2016, 21:13:23

 

نئی دہلی ،1جون(ایجنسی) تلنگانہ حکومت نے 2 جون کو یوم تاسیس تلنگانہ کے موقع پر تقاریب کا بڑے پیمانے پر منعقد کرنے کا اعلان کیا ہے حیدرآباد کے علاوہ قومی دارالحکومت میں بھی بڑے پیمانے پر سلسلہ وار تقاریب منعقد ہونگے۔ 
نئی دہلی میں منعقد ہونے والے تہذیبی پروگراموں میں ڈپٹی چیف منسٹر محمد محمود علی بحیثیت مہمان خصوصی شرکت کریں گے۔ اس موقع پر تہذیبی پروگرامس پیش کیے جائے گیے۔

سعودی عرب تل ابیب میں اپنا سفارتخانہ کھولے گا

سعودی عرب تل ابیب میں اپنا سفارتخانہ کھولے گا

 

جون 1, 2016 - 3:24 PM

• News Code : 757638
• Source : irib

 

Brief

خبری ذرائع نے تل ابیب میں عنقریب ہی سعودی سفارتخانہ کھولے جانے کی خبر دی ہے.

اہل بیت(ع) نیوز ایجنسی ۔ ابنا ۔ کی رپورٹ کے مطابق فرانسیسی زبان میں "ولٹر نٹ" ویب سائٹ نے لکھا ہے کہ سعودی عرب تل ابیب میں سفارتخانے کی عمارت تعمیر کرا رہا ہے اور جلد ہی مقبوضہ فلسطین میں سعودی سفارتخانہ کھل جائے گا- کہا جا رہا ہے کہ تل ابیب میں سعودی سفارتخانے کی عمارت ، مقبوضہ فلسطین میں کسی غیر ملکی سفارتخانے کی سب سے بڑی عمارت ہے

تل ابیب میں سعودی عرب کا سفارتخانہ کھلنے کے ساتھ ہی چند عشروں سے اسرائیل کے ساتھ آل سعود کے خفیہ تعلقات کا خاتمہ ہوجائے گا۔

گذشتہ مہینوں کے دوران سعودی عرب اور صیہونی حکومت نے بالواسطہ اور براہ راست رابطہ برقرار کیا ہے- بلمبرگ نیوز ایجنسی نے جون دوہزار پندرہ میں شائع ہونے والی ایک رپورٹ میں کہا ہے کہ اسرائیل اور سعودی عرب کے نمائندوں نے پانچ مرتبہ خفیہ اجلاس کئے ہیں.

.......

آل سعود کا زوال نزدیک : آیت اللہ مجتہد شبستری

آل سعود کا زوال نزدیک : آیت اللہ مجتہد شبستری

 

جون 1, 2016 - 2:28 PM

• News Code : 757620
• Source : mehrnews

 

Brief

آیت اللہ مجتہد شبستری نے سعودی عرب کی امریکہ نواز حکومت کو ام الفساد اور فتنہ کی جڑ قراردیتے ہوئے کہا ہے کہ آل سعود کا زوال نزدیک ہے اور ہمیں امید ہے کہ ہم باعزت و عظمت حج انجام دیں گے۔

اہل بیت(ع) نیوز ایجنسی ۔ ابنا ۔ کی رپورٹ کے مطابق تبریز کے امام جمعہ اور نمائندہ ولی فقیہ آیت اللہ مجتہد شبستری نے سعودی عرب کی امریکہ نواز حکومت کو ام الفساد اور فتنہ کی جڑ قراردیتے ہوئے کہا ہے کہ آل سعود کا زوال نزدیک ہے اور ہمیں امید ہے کہ ہم باعزت و عظمت حج ادا کریں گے۔

آیت اللہ مجتہد شبستری نے ادارہ حج کے سربراہ اور دیگر ارکان کے ساتھ ملاقات میں سعودی عرب کے دنیا بھر میں ہولناک مظالم ، سنگین اور وحشیانہ جرائم کی طرف اشارہ کرتے ہوئے کہا کہ دنیا بھر میں مسلمانوں کے خون سے آل سعود کے ہاتھ رنگین ہیں، انھوں نے کہا کہ مسلمانوں کو جان لینا چاہیے کہ سعودی عرب بڑے شیطان کا حامی اور اتحادی ملک ہے اور بڑے شیطان کے حامیوں سے اسلام اور مسلمانوں کی بہتری کے سلسلے میں توقع نہیں رکھنی چاہیے۔

آیت اللہ مجتہد شبستری نے کہا کہ تہران میں سعودی عرب کے سفارتخانہ پر حملے سے ایران کا کوئی تعلق نہیں ہے سعودی عرب کے سفارتخانہ پر حملےمیں خود سعودی عناصر ملوث ہیں کیونکہ اس سلسلے میں حقائق روش ہونے کے سلسلے میں سعودی عرب رکاوٹ پیدا کررہا ہے۔

آیت اللہ مجتہد شبستری نے کہا کہ استنبول اجلاس میں سعودی عرب اور اسرائیل کے درمیان رابطہ کا بھی سب کو پتہ چل گیا ہے۔ سعودی عرب خطے میں امریکہ اور اسرائیل کے مفادات کو تحفظ فراہم کررہا ہے۔ سعودی عرب نے دہشت گرد گروہوں کو اسرائیل کے لئے درست نہیں کیا بلکہ شام اور عراق کے لئے درست کرکے اسرائیل کی بہت بڑی خدمت کی جسے عالم اسلام کو فراموش نہیں کرنا چاہیے۔

آیت اللہ مجتہد شبستری نے کہا کہ سعودی عرب خطے میں ام الفساد ہے اور سعودی عرب کے پاس حج منعقد کرنے کی بالکل صلاحیت نہیں کیونکہ وہ عالمی سامراجی طاقتوں کا ایجنٹ اور آلہ کار ہے جو امریکی طاغوتی شیطانی طاقت کے نقش قدم پر چل رہا ہے۔

.....

پاکستان کے شیعوں کو عالمی حمایت درکار/ مطالبات پورے ہونے تک ہڑتال جاری رہے گی

پاکستان کے شیعوں کو عالمی حمایت درکار/ مطالبات پورے ہونے تک ہڑتال جاری رہے

 گی

جون 1, 2016 - 4:06 PM

• News Code : 757653
• Source : ابنا خصوصی

 

پاکستان میں شیعہ علماء کی قیادت میں جاری بھوک ہڑتال کے مقاصد کے بارے میں مزید معلومات حاصل کرنے کے لیے اہل بیت(ع) نیوز ایجنسی ۔ابنا۔ نے مجلس وحدت مسلمین کے بانیان میں شمار ایک اہم شخصیت سے انٹرویو لیا ہے۔ حجۃ الاسلام و المسلمین غلام حر شبیری جو اس وقت برطانیہ کے شہر لیوٹن (Luton) میں امامت جمعہ و جماعت کے فرائض انجام دے رہے ہیں جبکہ وہ اس سے قبل امریکہ کی ریاست ٹیگزاس کے اسلامی مرکز میں بھی دس سال کی مدت تک دینی خدمات انجام دے چکے ہیں۔

اہل بیت(ع) نیوز ایجنسی۔ابنا۔ پاکستان میں بعض شیعہ علماء اور عوام کو بھوک ہڑتال کے کیمپ میں بیٹھے ہوئے ۲۰ دن گزر گئے لیکن تاہم حکومت پاکستان کے کانوں میں جوں تک نہیں رینگی جبکہ اطلاعات کے مطابق مجلس وحدت مسلمین پاکستان کے رہنما حجۃ الاسلام و المسلمین علامہ ناصر عباس جعفری کی طبیعت بھی ناساز ہو چکی ہے۔
شیعہ علماء کا اتنے دنوں سے بھوک ہڑتال میں بیٹھنے کا مقصد صرف ایک ہے وہ یہ ہے کہ پاکستان میں مسلمان کشی مخصوصا شیعہ نسل کشی کا سلسلہ بند کیا جائے۔ بھوک ہڑتال کا یہ سلسلہ پاکستان کے شہر لاہور سے شروع ہوا دھیرے دھیرے پاکستان کے دیگر شہروں کراچی، پاراچنار اور ملتان تک پہنچ گیا کہ جہاں لوگ چالیس ڈگری سے زیادہ شدت کی گرمی میں اپنے اپنے شہروں میں بھوک ہڑتال کے کیمپ لگا کر بیٹھ گئے ہیں۔ 
شیعہ نسل کشی کے خلاف بھوک ہڑتاک کا یہ سلسلہ نہ صرف پاکستان کے شہروں میں محدود ہوا بلکہ لندن اور نیویارک تک بھی پہنچ گیا لیکن ابھی بھی پاکستان کے مظلوم شیعوں کو عالمی حمایت کی ضرورت ہے تاکہ وہ اپنی آواز کو دنیا کے کونے کونے تک پہنچا سکیں کہ شیعہ مظلوم ہیں اور وہ ہر دور سے زیادہ آج کے دور میں دھشتگردی کا شکار ہو رہے ہیں جبکہ ان کا کوئی پرسان حال نہیں۔ وہ اسلحے کے زور پر نہیں بندوق اور بم کے ذریعے نہیں بلکہ پرامن طریقے سے تپتی ہوئی دھوپ میں سڑکوں پر بھوک کی حالت میں بیٹھ کر کے اپنے حقوق کا مطالبہ کر رہے ہیں اور شیعہ قوم کی حفاظت کی مانگ کر رہے ہیں۔
پاکستان میں شیعہ علماء کی قیادت میں جاری بھوک ہڑتال کے مقاصد کے بارے میں مزید معلومات حاصل کرنے کے لیے اہل بیت(ع) نیوز ایجنسی ۔ابنا۔ نے مجلس وحدت مسلمین کے بانیان میں شمار ایک اہم شخصیت سے انٹرویو لیا ہے۔ حجۃ الاسلام و المسلمین غلام حر شبیری جو اس وقت برطانیہ کے شہر لیوٹن (Luton)  میں امامت جمعہ و جماعت کے فرائض انجام دے رہے ہیں جبکہ وہ اس سے قبل امریکہ کی ریاست ٹیگزاس کے اسلامی مرکز میں بھی دس سال کی مدت تک دینی خدمات انجام دے چکے ہیں۔

حجۃ الاسلام و المسلمین شبیری کے ساتھ ابنا کی گفتگو:
ابنا: ہم آپ سے پہلا سوال یہ کرنا چاہیں گے کہ آپ یہ بتائیں پاکستان میں علامہ راجہ ناصر عباس جعفری صاحب اور دیگر شیعہ شخصیات نے بھوک ہڑتال کا سلسلہ کس وجہ سے شروع کیا؟
۔ بسم اللہ الرحمن الرحیم؛ اس بھوک ہڑتال کی اصلی وجہ، پاکستان میں گذشتہ کئی سالوں سے جاری شیعوں کا قتل عام ہے۔ انیس سو باسٹھ سے لے کر اب تک پاکستان میں دھشتگرد ٹولیوں نے ستائیس ہزار شیعوں جن میں اہم شیعہ شخصیات بھی شامل ہیں کو اپنی دھشتگردی کا نشانہ بنایا ہے لیکن حکومت پاکستان آج تک اس حوالے سے کوئی موثر اقدام نہیں کیا ہے۔ شیعوں کے قاتل اور دشمن کھلے عام دھندناتے گھومتے اور دھشتگردانہ کاروائیاں کرتے ہیں جبکہ بعض جگہوں پر تو ان کی حمایت بھی کی جاتی ہے!
دوسری بات یہ کہ موجود حکومت جو جناب نواز شریف کی زیر قیادت ہے وہ شیعوں کے ساتھ ایک خاص قسم کی الرجی اور دشمنی ظاہر کرتی ہے شیعوں کی زمینوں اور ان کی ملکیتوں کو ان سے چھینا جا رہا ہے اور بعض جگہوں پر صرف شیعوں کو ایذا رسانی کی خاطر انہیں گرفتار کیا جاتا ہے اور سلفی وہابی مولوی بھی حکومت کے ساتھ اس ظلم و ستم میں ہم نوالہ و ہم پیالہ ہیں۔
ابنا: برائے مہربائی حکومت کے حالیہ اقدامات کے بارے میں مزید وضاحت کریں۔ یعنی کیسے حکومت شیعوں کی زمینوں کو قبضا رہی ہے؟
۔ گلگت اور بلتستان میں جو شیعہ علاقے ہیں وہاں پر اہل بیت(ع) کے ماننے والوں کے پاس وافر مقدار میں زمینیں اور جائیدادیں ہیں حکومتی کارندے مختلف بہانوں سے ان کی زمینوں کو ہتھیانے کی کوشش کرتے ہیں اور ان کی کوشش ہے کہ شیعوں کو ان علاقوں میں ضعیف بنایا جائے۔
ابنا: اچھا! حکومت کے ظلم و ستم کے بارے میں مزید جانکاری دیں گے؟
۔جی ہاں، حالات بہت غم انگیز ہیں۔ چند روز قبل پاراچنار جو شیعہ نشین علاقہ ہے اس میں خود سکیورٹی فورسز نے، نہ دھشتگردوں، نے امام حسین علیہ السلام کے یوم ولادت پر ایک جشن پر حملہ کیا اور کئی لوگوں کو خاک و خون میں غلطاں کر دیا۔ ڈیڑھ اسماعیل خان میں چند روز قبل چار افراد کا قتل کر دیا اور حکومت نے کوئی نوٹس نہیں لیا!
ابنا: جیسا کہ آپ نے کہا شیعوں پر حکومت کی طرف سے دباؤ کئی سالوں سے جاری ہے۔ کیا آپ یہ سوچ رہے ہیں کہ اس بھوک ہڑتال کا اس حوالے سے کوئی فائدہ ہو گا؟
۔ مجلس وحدت مسلمین خاص طور پر علامہ راجہ ناصر صاحب کا یہ ارادہ ہے کہ جب تک حکومت ان کے جائز مطالبات کو پورا نہ کرے گی اس بھوک ہڑتال کو جاری رکھیں گے وہ بھوک ہڑتال کے ذریعے حکومت پر دباؤ ڈالنا چاہتے ہیں نیز عوامی توجہ کو بھی اپنی طرف مبذول کرانا چاہتے ہیں تاکہ لوگوں میں بیداری پیدا ہو سکے۔

ابنا: بھوک ہڑتال کرنے والوں کے مطالبات کیا کیا ہیں؟
۔ ان کے مطالبات معین اور مشخص ہیں:
۱: پاکستان بھر میں ہونے والے شیعہ قتل عام کی روک تھام کی جائے
۲: تاحالا دھشتگردی کا شکار بنے شیعوں کی کیسوں کی کاروائیوں کو فوجی عدالت کے حوالے کیا جائے
۳: صوبہ پنجاب میں شیعہ عزاداری پر لگائی گئی پابندیوں کو ہٹایا جائے
۴: پاکستان میں تکفیری سرگرمیوں کو روکا جائے
۵: صوبہ خیبر پختونخوا میں حالیہ شیعہ قتل عام کے خلاف حکومت موثر اقدام کرے
۶: پاراچنار میں سکیورٹی دستوں کے ذریعے کئے گئے شیعوں کے قتل کے حوالے سے تحقیقات کے لیے کمیٹی تشکیل دی جائے
۷: گلگت اور بلتستان میں حکومت کے ذریعے شیعوں کی زمینوں کو ہڑپ کئے جانے کا سلسلہ روکا جائے۔
بھوک ہڑتال کرنے والے اس وقت تک ہڑتال کیمپوں سے باہر نہیں آئیں گے جب تک ان کے یہ سات مطالبات پورے نہ ہوں۔
ابنا: کیا آپ سوچ رہے ہیں کہ حکومت پاکستان یا آئی ایس آئی ان مطالبات کو پورا کرنے کے لیے تیار ہو گی؟
۔ بھوک ہڑتال کی خبریں پورے پاکستان میں پھیل چکی ہیں اور لوگ دوسرے شہروں میں بھی بھوک ہڑتال پر بیٹھ چکے ہیں تاہم حکومت بالکل خاموش ہے۔ ہڑتال کرنے والے مصمم ہیں کہ حکومت پر دباؤ ڈال کر لاکھوں افراد کے حقوق حکومت سے منوائیں یا کم سے کم شیعوں کو اتنے پاور ملیں کہ وہ خود اپنے حقوق کا دفاع کر سکیں۔ اگر ملک کے اندر اور باہر لوگوں کے ضمیر بیدار ہو جائیں تو ان مقاصد کو حاصل کیا جا سکتا ہے۔
ابنا: بھوک ہڑتال کب شروع ہوئی اور آج کتنے دن ہو چکے ہیں؟
۔ ۱۳ مئی کو شروع ہوئی اور آج ۲۰ دن ہو چکے ہیں۔
ابنا: پہلے دن سے ہی بھوک ہڑتال تھی؟
جی ہاں، علامہ راجہ ناصر صاحب نے روز اول سے ہی بھوک پڑتال شروع کی۔
ابنا: کتنے لوگ اور ان کے ساتھ اس ہڑتال میں شامل ہیں؟
اصل میں بھوک ہڑتال علامہ ناصر صاحب کی جانب سے شروع ہوئی لیکن اب مجلس وحدت کے تقریبا تمام دیگر رہنما بھی ان کے ساتھ کیمپ میں شامل ہیں۔ جیسا کہ اشارہ کیا گیا اس خبر کے پھیلتے ہی ملک کے اندر دوسرے شہروں اور ملک سے باہر بھی بھوک ہڑتال کا سلسلہ شروع ہو گیا۔ اور ہر روز دسیوں افراد ان کے ساتھ شامل ہو رہے ہیں۔
اس وقت پاکستان کے شہر لاہور، کراچی، ملتان، پاراچنار، بلتستان اور پھر لندن اور نیویورک میں بھی مقیم پاکستانیوں نے بھوک ہڑتال کا سلسلہ شروع کر دیا ہے۔ چند روز قبل لندن میں پاکستانی سفارتخانے کے باہر راجہ صاحب کی حمایت میں دھرنا دیا گیا۔ در ضمن، اس وقت تک پاکستان کے تمام غیر سرکار تنظیموں نے ہڑتال کرنے والوں کے مطالبات کی حمایت کر دی ہے یہ امر اس بات کی عکاسی کرتا ہے الحمد للہ یہ اقدام ایک موثر اقدام ہے۔
ابنا: ہڑتال کا کیمپ کس جگہ لگایا گیا ہے؟
اسلام آباد کے مرکزی میڈیا سنٹر Press club) ) کے سامنے کیمپ لگایا گیا ہے۔
ابنا: بھوک ہڑتال کرنے والوں کی جسمانی حالت اس وقت کیسی ہے؟
ان کی جسمانی حالت اچھی نہیں ہے عمومی کمزوری طاری ہے گذشتہ روز علامہ ناصر صاحب کی طبیعت زیادہ خراب ہو گئی تھی کہ انہیں ہسپتال منتقل کرنا پڑا اور دو گھنٹے بعد وہ دوبارہ کیمپ میں واپس آ گئے۔
ابنا: پاکستان کے علاوہ دوسرے ممالک کے شیعوں سے آپ کیا امید رکھتے ہیں؟
ان سے ہمیں یہ امید ہے کہ وہ بھی مسلمانوں مخصوصا پاکستان کے شیعوں کی نسبت ہمدردی کا اظہار کریں اور ممکنہ طور پر ان کے ساتھ حمایت کا اعلان کریں۔
ابنا: آخر میں اگر کوئی خاص بات کہنا چاہیں تو بیان کریں۔
میں مراجع عظام، علمائے اعلام، بزرگان قوم، میڈیا اور دیگر دانشوروں سے یہ اپیل کرنا چاہوں گا کہ وہ بھی اس سلسلے میں فی الفور اپنی حمایت کا اعلان کریں پاکستان کے شیعوں کے حقوق اور بھوک ہڑتال کرنے والوں کے مطالبات کی تئیں اپنی حمایت کا اعلان کریں۔ بسا اوقات ہمیں یہ لگتا ہے کہ وہ پاکستان کے مسائل کو کوئی خاص اہمیت نہیں دیتے۔
ابنا: ہم آپ کا شکر گزار ہیں جو آپ نے ہمیں گفتگو کا موقع دیا اور ہمیں عمدہ معلومات فراہم کیں۔

                         

 

ایرانی حجّاج اس سال حج سے محروم

س سال حج کے سفر پر ایرانی شہری نہیں جائیں گے

Mon 30 May 2016, 19:35:34

 

دبئی،30مئی(ایجنسی) سعودی عرب کے ساتھ بڑھتی ہوئی کشیدگی کے درمیان ایران نے کہا ہے کہ وہ اپنے شہریوں کو اس سال حج کے لئے سعودی عرب نہیں بھیجے گا۔
ایرانی حج تنظیم نے کل اس معاملے میں روڑے اٹکانے کے لئے سعودی عرب کو ذمہ دار ٹھہراتے ہوئے کہا کہ وہ ایرانی شہریوں کو حج کے سفر کے دوران مکمل تحفظ دینے کی ان کی مانگ کو مبینہ طور پر کوئی اہمیت نہیں دے رہا ہے۔
ایسے میں شہریوں کے تحفظ کو ذہن میں رکھتے ہوئے انہیں وہاں نہ بھیجنے کا فیصلہ کیا گیا ہے۔

بیٹے کو جنم دینے کے بعد امتحان دینے پہنچی ماں، ڈاکٹروں نے بھی اس جذبے کو کیا سلام

بیٹے کو جنم دینے کے بعد امتحان دینے پہنچی ماں، ڈاکٹروں نے بھی اس جذبے کو کیا سلام

Tue 31 May 2016, 18:52:45

 

⁠⁠⁠⁠⁠

راجستھان: ۳۱؍مئی: (ایجنسی) ایک حاملہ عورت کے اس جذبے کو کون نہیں سلام کرنا چاہے گا۔ اس جذبے کے ذریعہ اٹھائے گئے اقدامات سے ہر ایک طالب علم کو سیکھنا چاہئے۔ اگر آپ امتحان دینے جاتے ہیں تو اس وقت بہت فکر مند رہتے ہیں، لیکن اس خبر کو پڑھنے کے بعد آپ کو حوصلہ اور جرات دونوں مل سکتے ہیں۔ معاملہ راجستھان کے جھنجھنو ضلع کا ہے جہاں ایک حاملہ خاتون نے پڑھائی کا ایک سال ضائع نہ ہو اس کے لئے وہ کیا جو آپ سوچ بھی نہیں سکتے۔ اگلی سلائڈ میں پڑھیں حاملہ عورت کے اس جذبے کی پوری کہانی۔دراصل، معاملہ کچھ ایسا ہے کہ جھنجھنو ضلع کی بھڑودا کلاں کی رہنے والی سروج حاملہ تھی۔ پیر کی صبح اچانک اسے درد اٹھا تو وہ اپنی کتابوں کو ساتھ لے کر جھنجھنو کے نجی اسپتال پہنچ گئی۔سروج کے اسپتال پہنچتے ہی ڈاکٹروں نے چند منٹ بعد ہی اس کی معمول کی ڈلیوری کروا دی۔ ڈلیوری کے بعد سروج نے ڈاکٹر کو بتایا کہ اس کا امتحان ہے۔ ڈلیوری کے محض دو گھنٹے بعد ہی ڈاکٹر کی اجازت سے سروج شہر کے سرکاری مرارکا کالج پہنچی۔جب سروج کالج پہنچی تو اس پورے معاملے کی جانکاری کالج اسٹاف کو ملی۔ اسٹاف مینجمنٹ نے اس کے لئے خاص انتظامات کیے اور صوفے پر لٹا کر اسے امتحان دلوایا۔ اس کے بعد وہ واپس آکر اسپتال میں بھرتی ہو گئی۔سروج نے بتایا کہ وہ اپنا ایک سال برباد نہیں ہونے دینا چاہتی تھی۔ ساتھ ہی بتایا کہ اسے امتحان دینے میں کوئی پریشانی بھی نہیں ہوئی اور پیپر اچھے سے حل ہو گیا. سروج ایم ایس سی فرسٹ ائیر کی کیمسٹری کا پیپر دے رہی ہے۔ ڈاکٹر نے بھی سروج کے جذبے کو سلام کیا ہے۔ خواتین کی طرف سے اٹھائے گئے اس طرح کے اقدامات کی وجہ سے ہی راجستھان کا یہ ضلع خواتین خواندگی میں سب سے آگے ہے۔

داعش کے ھاتھوں خواتین کی فروخت

گھر > خصوصی

اسلامک اسٹیٹ کی درندگی

Tue 31 May 2016, 19:28:59

 

فیس بک کے ذریعے داعش کے خونخوار خواتین یرغمالیوں کی نیلامی کررہے ہیں 

نئی دہلی: ۳۱؍مئی: (ایجنسی)  دہشت گرد تنظیم آئی ایس آئی ایس کے دہشت گرد اب سوشل میڈیا پر خواتین یرغمالیوں کی نیلامی کر رہے ہیں۔ یہ یزیدی اور عیسائی لڑکیاں ہیں جنہیں آئی ایس آئی ایس کے حملہ آور گروہوں نے شام اور عراق سے اغوا کیا یا پھر حملوں کے دوران یرغمال بنایا ہے۔آرٹی ڈاٹ کام میں شائع رپورٹ کے مطابق، 20 مئی کو ابو اسد المانی نام کے داعش کے دہشت گرد نے فیس بک پر پوسٹ کیا، اس نے لکھا 'غلام خریدنے کے بارے میں سوچ رہے ہو بھائی لوگ، اس کی قیمت 8000 ڈالر ہے۔رپورٹ کے مطابق تنظیم ایسا فنڈ جمع کرنے کے مقصد سے کر رہی ہے۔ وہ وقتاً فوقتاً خواتین یرغمالیوں کی الگ الگ تصاویر پوسٹ کرتا ہے۔ فیس بک ان تصاویر کو چند گھنٹوں کے اندر ہٹا لیتا ہے۔ یہ صاف نہیں ہو پایا کہ دہشت گرد ابو اسد المانی یہ خود کر رہا تھا یا پھر کسی اور کی طرف سے ایسا کر رہا تھا۔ماہرین کا کہنا ہے کہ آئی ایس آئی ایس کے جال میں پھنسی سینکڑوں لڑکیوں کے ساتھ جانوروں جیسا سلوک ہو رہا ہے اور ان کا جنسی استحصال ہو رہا ہے۔ یہ تمام لڑکیاں انتہائی مشکلات کے دور سے گزر رہی ہیں۔ انسانی حقوق کے گروپوں کا کہنا ہے کہ آئی ایس آئی ایس پر عراق اور شام میں جس طرح سے دباؤ بڑھ رہا ہے، اس کا خمیازہ خواتین غلاموں کو بھگتنا پڑ رہا ہے۔

 

محمد اخلاق کے گھر پر فریزر میں بیف تھا : نئی فورنسیک رپورٹ کا جھوٹا دعوی

دادری کیس میں نئی ​​فورنسیک رپورٹ کا دعوی؛ اخلاق کے ریفریجریٹر میں بیف ہی رکھا تھا

Tue 31 May 2016, 19:41:38

 

نئی دہلی،31مئی(ایجنسی) دادری بیف معاملے میں ایک نئی فورنسیک forensic رپورٹ میں یہ بات سامنے آئی کہ جس گوشت کی وجہ سے 50 سالہ محمد اخلاق کی بھیڑ نے گھر سے نکال کر قتل کر دیا تھا وہ گائے کا گوشت ہی تھا.
حالانکہ اس سے پہلے آئی ایک اور رپورٹ میں کہا گیا تھا کہ وہ مٹن تھا.
اس گوشت کو پہلے تو دادری کے ایک لیب میں تحقیقات کرائی گئی تھی تب بتایا گیا تھا کہ وہ بکرے کا گوشت ہے. اس کے بعد نمونے کو آگے کی تحقیقات کے لئے متھرا کی سرکاری لیب میں بھیجا گیا جس کی تازہ رپورٹ میں یہ کہا گیا ہے کہ وہ گائے یعنی بیف ہی تھا.
اتر پردیش کے ڈی جی پی جاوید احمد نے میڈیا سے بات چیت میں کہا کہ چھ آٹھ ہفتے پہلے ہمیں یہ رپورٹ ملی تھی اور ہم نے اس کاپی کو عدالت میں پیش کر دیا ہے. پہلے ہمیں بتایا گیا تھا کہ اس میں مٹن تھا، لیکن اب لیب نے بتایا کہ وہ بیف تھا.

 

شھر فلّوجہ کا ایک شھر آزاد ہو گیا

عراقی افواج نے شہر فلوجہ کا ایک اور علاقہ آزاد کرالیا

 

مئ 31, 2016 - 8:40 PM

• News Code : 757534
• Source : ۔

 

Brief

عراقی افواج نے شہر فلوجہ کا ایک اور علاقہ آزاد کرالیا ہے

اہل بیت(ع) نیوز ایجنسی۔ابنا۔ عراق کی فوج اور عوامی رضاکار فورس کی مشترکہ کمان نے اعلان کیا ہے کہ شہر فلوجہ کے علاقے الشہدا کو داعش سے آزاد کرا لیا گیا ہے۔

اس رپورٹ کے مطابق شہدا پر عراقی افواج کے تسلط کے بعد شمالی سیکٹر سے بھی شہر فلوجہ میں داخل ہونے کا راستہ کھل گیا ہے۔

رپورٹوں میں بتایا گیا ہے کہ شہر فلوجہ میں عراقی افواج اور داعش کے درمیان شدید جھڑپیں ہوئی ہیں ۔

بغداد آپریشن کمان نے اعلان کیا ہے کہ منگل کو شہر فلوجہ کے شمال مغربی علاقے صقلاویہ میں داعش کے مراکز پر عرافی فضائیہ کے حملے میں کم سے کم اٹھائیس دہشت گرد ہلاک ہوگئے ۔ اس رپوررٹ کے مطابق عراقی جنگی طیاروں نے صقلاویہ میں داعش کے تین خفیہ مراکز تباہ کر دیئے ہیں ۔

اس رپورٹ کے مطابق شہر فلوجہ کو آزاد کرانے کے آپریشن کے کمانڈر عبدالوہاب الساعدی نے بتایا ہے کہ شہر فلوجہ کے جنوب میں داعش نے عراقی افواج پرحملہ کیا لیکن یہ حملہ پسپا کر دیا گیا ۔ انھوں نے بتایا کہ اس حملے میں داعش کے پچھتر دہشت گرد ہلاک ہوئے ۔

اھلسنّت کے مقدّسات کی توھین کرنا حرام ہے : مراجع عظام

 

شیعہ سنی مقدسات کی توہین کرنے والا اسلام دشمن طاقتوں کا آلہ کار

 

مئ 31, 2016 - 10:50 PM

• News Code : 757549
• Source : نیوز نور

 

Brief

مکتب تشیع کے جملہ زعماء اور مجتہدین جامع الشرائط (دامت برکاتہم) کا اس بات پر اجماع ہے کہ اہلسنت کے مقدسات کی توہین کرنا حرام ہے اور ظاہر ہے کہ جو کوئی بھی شیعہ کے نام پر اہلسنت کے مقدسات کی توہین کرتا ہے یا سنی ہو کر شیعہ مقدسات کی توہین کرتا ہے وہ اسلام دشمن طاقتوں کا آلہ کار ہے ۔

اہل بیت(ع) نیوز ایجنسی۔ابنا۔  مکتب تشیع کے جملہ زعماء اور مجتہدین جامع الشرائط (دامت برکاتہم) کا اس بات پر اجماع ہے کہ اہلسنت کے مقدسات کی توہین کرنا حرام ہے اور ظاہر ہے کہ جو کوئی بھی شیعہ کے نام پر اہلسنت کے مقدسات کی توہین کرتا ہے  یا سنی ہو کر شیعہ مقدسات کی توہین کرتا ہے وہ اسلام دشمن طاقتوں کا آلہ کار ہے ۔

اس حوالے سے عصر حاضر کے مراجع عظام سے پوچھے گئے سوال کہ کیا اہلسنت کے مقدسات کی توہین (جیسے خلفائے ثلاثہ اور اہلسنت کے بعض من پسند صحابہ کے نام غیر شائستہ کلام ) کرنا جائز ہے؟۔ عالم تشیع کے دینی مراکز (ایران اور عراق)  کے زعماء دین و مراجع عظام تقلید کے فتاویٰ شرح ذیل  ہیں:

ولی امر مسلمین حضرت آیت اللہ  العظمی امام خامنہ ای: برادران اہل سنت کے مظاہر کی اہانت حرام ہے۔

حضرت آیت اللہ العظمی سید سیستانی: اہل سنت کے مقدسات کو گالی دینا ان تعلیمات کے خلاف ہے جو اہل بیت علیھم السلام نے اپنے شیعوں اور شاگردوں کو دی ہیں ۔

حضرت آیت اللہ العظمی ناصر مکارم شیرازی: دوسروں کے مقدسات کی کسی بھی طرح کی توہین کرنا شرعا جائز نہیں ہے۔ 

حضرت آیت اللہ العظمی وحید خراسانی: دوسرے مسالک کے ماننے والوں کے ساتھ دشمنی نہیں کرنا چاہیے ،ان کے مقدسات کی توہین نہیں کرنا چاہیے،ان کے بزرگوں پر لعنت بھیجنا  اور ان کو گالی دینا جائز نہیں ہے ،اس لیے کہ یہ چیز ان کو اہل بیت اور ان کے معارف سے دور کیے جانے کا سبب بنے گی ۔

حضرت آیت اللہ العظمی جوادی آملی: صحابہ کو گالی دینا ،شیعوں یا سنیوں کے مقدسات کی توہین کرنا ،دونوں گروہوں کے اعتقادات کی ظالمانہ توہین اور تحقیر کر نا ،حرام ہے اور اختلاف پیدا کرنا اور تفرقے اور جدائی کی آگ روشن کرنا اور امت اسلامی کے اتحاد کو پارہ کرنا گناہ عظیم ہے ۔

حضرت آیت اللہ العظمی نوری ہمدانی: جائز نہیں ہے ۔

حضرت آیت اللہ العظمی موسوی اردبیلی: مومنین کو چاہیے کہ موجودہ حالات میں کہ جب کفر و الحاد کا مقابلہ ہے ،ایسے کام کرنے سے اجتناب کرنا چاہیے کہ جن سے اختلاف میں شدت آئے ۔

حضرت آیت اللہ العظمی شبیری زنجانی: مومنین کو چاہیے کہ ایسے امور کو انجام دینے سے کہ جو تفرقہ ،اختلاف اور اسلام کی تضعیف کا باعث ہوں اجتناب کریں صحیحہء ابو بصیر میں امام محمد باقر علیہ السلام سے نقل ہوا ہے کہ ؛ان رجلا من تمیم اتی النبی ص فقال اوصنی فکان فیما اوصاہ انقال لا تسبوا الناس فتکسبوا العداوۃ لھم ،لوگوں کو گالی مت دو ورنہ تم ان کی دشمنی کسب کرو گے ۔

حضرت آیت اللہ العظمی محقق کابلی: اہل سنت کے مقدسات کی توہین سے خود داری کی جائے ۔

حضرت آیت اللہ العظمی علوی گرگانی: مقدسات اہل سنت کی اہانت جائز نہیں ہے ۔

حضرت آیت اللہ العظمی مظاہری: مسلمانوں کے مقدسات اور اعتقادات کی توہین اور پیغمبر عظیم الشان صلی اللہ علیہ و آلہ و سلم کے ماننے والوں کی صفوں کے درمیان تفرقہ ایجاد کرنا عقلا و شرعا جائز نہیں ہے ۔

حضرت آیت اللہ  العظمی مدنی تبریزی: اسلام کسی بھی دین کے مقدسات خاص کر اسلامی مسالک کے مقدسات کی توہین کو جائز قرار نہیں دیتا ،اور ہر ایسی حرکت کہ جو امت اسلامی کے درمیان اختلاف ،خسارے ،اور مسلمانوں کے جانی و مالی نقصان کا باعث ہو وہ حرام اور خلاف شرع ہے ۔

حضرت آیت اللہ العظمی ھاشمی شاہرودی: ہر عمل یا قول کہ جو شیعہ اور سنی مسلمانوں کے مابین اختلاف اور فتنے کا باعث بنے وہ جائز نہیں ہے ۔

۔۔۔۔۔۔۔۔۔۔۔۔۔۔۔